Փաշինյանի աղետաբեր նոր զրոյական կետը․ Արգիշտի Կիվիրյան (video)
Վերլուծաբան Արգիշտի Կիվիրյանը Հայելի ակումբի ուղիղ եթերում անդրադարձել է հայ ռազմագերիների վերադարձին, Փաշինյանի վերջին հայտարարություններին, հայ-ադրբեջանական հարաբերությունները զրոյական կետին վերադարձնելուն,ՌԴ նախագահ Պուտինի երեկվա հերթական հայտարարությանը՝ Արցախի վերաբերյալ, Հայաստանին ներսից ու դրսից սպառնացող վտանգներին։
«Նիկոլ Փաշինյանը չունի քաղաքական ստրատեգիա, իր բոլոր գործողությունները պայմանավորված են Ադրբեջանի և Արևմուտքի կամքով, հայկական կամք որպես այդպիսի այստեղ բացակայում է, Նիկոլ Փաշինյանն անում է այն, ինչը այդ պետությունները իրեն պարտադրում են։ Նիկոլ Փաշինյանը որոշ ժամանակ առաջ խոսում էր բոլորը բոլորի հետ փոխանակելու մասին, սակայն Հայաստանը տվեց իր ունեցած երկու գերիներին և տեղը ստացավ ընդամենը մի մասը, էլ ի՞նչ զրոյական կետի մասին է խոսքը, եթե այսօր Ադրբեջանի բանտում մենք դեռ ունենք ավելի քան մեկ տասնյակ գերի։ Եթե նա լիներ լավ քաղաքական գործիչ այս գերիների խնդիրը պետք է լուծած լիներ դեռ 3 տարի առաջ։
Եթե 2020 թվ. -ի նոյեմբերի 9 -ի հայտարարությունից հետո Փաշինյանը վարեր այլ քաղաքականություն, այս գերիները արդեն երեք տարի առաջ վերադարձած կլինեին»։
Շարունակելով իր խոսքը պարոն Կիվիրյանն անդրադարձավ նաև Հայաստանում սպասվող արտահերթ ընտրություններին. «Ես նորից եմ պնդում, որ այս պահի դրությամբ Նիկոլ Փաշինյանը չունի որևէ պատճառ գնալու նոր ընտրությունների, բայց դա չի նշանակում, որ վաղը այդ պատճառը չի լինելու, որպեսզի Փաշինյանը գնա նոր ընտրությունների պետք է լինի հստակ պատճառ, անցած ընտրություններին այդ պատճառը ԱԺ -ում մեծամասնություն և օրենսդիր մարմին ունենալն էր, երկրորդ անգամ կար սպառնալիք իր իշխանությանը՝ դա ևս վերացրեց, այս պահին էլ հանուն ինչի՞ նա գնա նոր ընտրությունների, հենց լինի այդ հստակ պատճառը Փաշինյանը մեկ օրում կորոշի գնալ նոր արտահերթ ընտրությունների, բայց այս պահին դրա մասին խոսում են բոլորը, բացի իրենցից։
Մանրամասները՝ տեսանյութում․
Գոհար Պողոսյան
Հետևեք մեզ Viber-ում
