«2018թ. ապրիլից հետո վարչապետը չի կարող ունենալ նվազեցված լիազորություններ ». Վիգեն Սարգսյան

«Վերահսկողությունը սպառազինություն մատակարարող երկրի ուղղակի պարտականությունն է:Հույս ունենք, որ քննությունը լիարժեք կանցկացվի, և համապատասխան միջոցներ կձեռնարկվեն», - այսօր լրագրողների հետ հանդիպմանն ասաց ՀՀ պաշտպանության նախարար Վիգեն Սարգսյանը` անդրադառնալով Ադրբեջանին անօդաչու թռչող սարքեր վաճառող Aeronautics Defense Systems իսրայելական ընկերության շուրջ սկանդալին: «Ես նախընտրում եմ զենքը ցույց տալ զորահանդեսների ժամանակ։ Նրա առաջիկա գնման, հնարավոր գնման, այստեղից-այնտեղից ձեռք բերելու մասին խոսակցությունն անօգուտ է։ Դա անիմաստ է, որովհետև առաջին հերթին դժվարացնում է բոլոր հնարավորությունները, երկրորդ՝ դա քո հեռանակարային ծրագրի բացահայտումն է, որը նաև թույլ է տալիս հակառակորդին՝ հակամիջոցներ ձեռնարկել:Մենք Չինաստանում չենք պայմանավորվել այս պահին զենք-զինամթերք մատակարարելու մասին, բայց մենք ունեցել ենք շատ կարևոր հանդիպումներ, քաննարկումներ՝ ռազմաքաղաքական երկխոսության և փոխգործակցության ծրագրերի մասին»,- այսօր լրագրողների հետ հանդիպման ընթացքում այս մասին ասաց ՀՀ պաշտպանության նախարար Վիգեն Սարգսյանը։ Լրագրողները հետաքրքրվեցին, թե ի՞նչ է ենթադրում պաշտպանության ոլորտի վերաբերյալ նոր օրենքի նախագիծը, որը մամուլում մեկնաբանվում է հետևյալ կերպ՝ օրենսդրորեն նվազեցվում են պաշտպանության և անվտանգության ոլորտում վարչապետի լիազորությունները։ Ի պատասխան՝ Վիգեն Սարգսյանն ասաց, որ դա հրապարակող մամուլն ուղղակի ծույլ է․ «Պետք է վերցնել օրենքը կարդալ և կարդալ Սահմանադրություն, և տեսնել, որ Ազգային անվտանգության խորհրդի ղեկավարը վարչապետն է։ 2018թ. ապրիլից հետո վարչապետը չի կարող ունենալ նվազեցված լիազորություններ՝ պաշտպանության և անվտանգության ոլորտում»։