Պաշտոնյան պետք է հայտարարագրում նշի՝ ծառայել է, չի ծառայել, եթե չի ծառայել՝ ինչու.

«Առաջարկել եմ որպես գաղափար ու առաջ եմ տանելու միտքը, որ հանրային ծառայության պաշտոն զբաղեցնող ցանկացած մարդ, պետք է նաև հայտարարագրի զինծառայության հետ իր և իրեն փոխկապակցված անձանց փոխհարաբերություններն, այսինքն՝ ծառայել է, չի ծառայել, եթե չի ծառայել՝ ինչու և այլն: Կարծում եմ՝ դա բավական է լինելու գոնե առաջին փուլում հանրության ուշադրությունը խնդրի վրա ևս մեկ անգամ սևեռելու ու բոլոր հնարավոր շահառուներին մտածելու՝ մինչև բանակից ազատվելու ցանկություն ձևավորելը»,-ասուլիսում անդրադանալով  բարձրաստիճան պաշտոնյաների էթիկայի հանձնաժողովում բանակում ծառայել-չծառայելու հայտարարագրման մասին հարցին ասաց պաշտպանության նախարար Վիգեն Սարգսյանը: Պաշտոնավարման մեկ տարվա ընթացքում  Վիգեն Սարգսյանն այցելություններ է կատարել ՌԴ, Վրաստան, Իրան, Չինաստան, Հունաստան և Կիպրոս։ «Այս այցերի ընթացքում ստորագրվել են մի շարք առանցքային համաձայնագրեր», - այսօր լրագրողների հետ հանդիպմանն ասաց Վիգեն Սարգսյանը։ Նա ընդգծեց՝ «Վրաստանի և Իրանի հետ շատ կարևոր խնդիրներ ունենք լուծելու՝ կապված ԶՈւ մատակարարումների, տարանցումների վերաբերյալ»։