Մոսկվայի կենտրոնի շենքերից մեկում հրդեհի հետևանքով երկու երեխա է մահացել

Մոսկվայի կենտրոնում գտնվող բազմաբնակարան շենքերից մեկում բռնկված հրդեհի հետևանքով երկու մարդ զոհվել է, մեկը՝ տուժել։ Tert.am-ի փոխանցմամբ՝ այս մասին հայտնում է «Մոսկովսկի կոմսոմոլեց»-ը: Դեկտեմբերի 3-ի ցերեկը հրդեհ է բռնկվել Բիբլիոտեչնայա փողոցի շենքի 10-րդ հարկում գտնվող բնակարանում։ Մահացել են բնակարանում գտնվող երեխաները՝ 8-ամյա աղջիկը և 4-ամյա տղան։ Սկզբում փրկարարներին հաջողվել է երեխաներին տարհանել տնից, սակայն շմոլ գազից թունավորումը մահացու է դարձել, և բժիշկներին չի հաջողվել փրկել նրանց։