Չհասցրինք փրկել, արդեն խեղդվել էր, երկուսին դուրս կարողացանք հանել․ ԵՊՀ աշխատակից (video)
ԵՊՀ 1-ին և 2-րդ մասնաշենքերի պարետ Էռնեստ Թովմասյանը առաջիններից մեկն է օգնության շտապել տուժածներին ԵՊՀ նկուղում պայթյունից հետո:
«Գմփաց, մոտիկացանք, վառվում էր, ծուխ էր, ես ոչ մի բան չեմ տեսել: Հասցրեցինք երկու հոգու օգնեցինք, այրվածքներ ունեին, երրորդին էլ չկարողացանք, րդեն խեղդվում էինք»,- ասաց նա՝ հավելելով, որ մահացածը կանաչապատման աշխատակից է:
Թովմասյանը հավելեց, որ օգնողները հիմնականում 3-4 հոգի են եղել՝ ուսանողներ, անվտանգության աշխատակիցներ:
Նրա խոսքով՝ ներսում մնացած տղամարդուն արդեն փրկարարներն են բերել դուրս, սակայն նրա կյանքը փրկել չի հաջողվել։
«Այդտեղ քիմիական ֆակուլտետի պահեստներ են, կանաչապատման աշխատակիցների հանդերձարանն է, իրենք հաճախ են այդտեղ հանդերձափոխվում: Կոնկրետ այդ սենյակում ոչ մի բան չէր պահվում: Ասացին, որ հոսանքը այդտեղ կապ չունի, մասնագետները կարող են ճիշտ ասել»,-ասաց նա:
Հետևեք մեզ Viber-ում
