Գեղամ Մանուկյանի ելույթից հետո ԱԺ-ում կրքերը թեժացան. Ալեն Սիմոնյանն անջատեց ընդդիմադիրի խոսափողը (video)

«9 ամսվա մեջ ՀՀ բյուջեի պաշտպանության ոլորտի կապիտալ ծախսերի կատարումն 55% է»,- հայտարարեց «Հայաստան» խմբակցության պատգամավոր Գեղամ Մանուկյանը՝ ելույթ ունենալով 2024 թվականի բյուջեի նախագծի պաշտպանության բլոկի վերաբերյալ:

Նրա խոսքով՝ նախատեսված 226.6 մլրդ դրամից ծախսվել է միայն124. 6 մլրդ-ը, այն դեպքում, երբ նախորդ տարի էլ հայտարարավեց աննախադեպ ֆինանսավորման մասին:

Ըստ գեղամ Մանուկյանի՝ նախորդ տարվա բյուջեով նախատեսված էր, որ ԶՈւ զինծառայողների հանդերձանքը 2024 թվականին փոխել, բայց այն չի լինի, քանի որ մրցույթը չի կայացել:

«ՀՀ ԶՈւ-երում ծառայող զինվորից մինչև գեներալ 2024 թվին ձեր հանդերձանքը փոխվելո՞ւ է , չէ, որովհետև մրցույթը 2023 –ին չի կայացել»:

«Շուրջ երկու տարի է ՀՀ ԶՈւ ուղեղային կենտրոնը՝ ԶՈւ ԳՇ օպերատիվ գլխավոր վարչության պետի պաշտոնը թափուր է»,-հայտնեց Մանուկյանը և հիշատակեց նաև Մարտական պատրաստվածության գլխավոր վարչության պետի պաշտոնը, ինչպես նաև այլ կարևո պաշտոնները, այդ թվում հայ-ռուսական միացյալ զորախմբի հրամանատարի պաշտոնը:

Պատգամավորը հարց հնչեցրեց, թե ո՞ւր են գնում պաշտպանության համար հատկացվող միլիարդավոր դրամները, եթե նման հարցերը չեն լուծվում:

Մանրամասն՝ տեսանյութում: