Բաքու-Թբիլիսի-Կարս երկաթգիծը ստուգում է անցել
Բաքու-Թբիլիսի-Կարս երկաթգիծը ստուգվել է նախագծում ներգրավված երեք երկրների պաշտոնյաների կողմից, գրում է jnews.ge-ն: Վրաստանի նախագահ Գիորգի Մարգվելաշվիլին, ՓԲԸ «Ադրբեջանական երկաթուղիներ» խորհրդի նախագահ Ջավիդ Գուրբանովը, Թուրքիայի տրանսպորտի, ծովային հարցերի եւ հաղորդակցության նախարար Ահմեդ Արսլանը, ԲԸ «Վրացական երկաթուղիների» վարչության նախագահ Մամուկա Բախտաձեն, Վրաստանի էկոնոմիկայի եւ կայուն զարգացման նախարար Գիորգի Գախարիան, ՓԲԸ «Ադրբեջանական Կասպից ծովյան առաքման ընկերություն» խորհրդի նախագահ Ռաուֆ Ալիեւը, ինչպես նաեւ Վրաստանում Ադրբեջանի եւ Թուրքիայի դեսպանները` Դուրսուն Հասանովը եւ Զեկի Լեւենտ Գյումրյուկչուն, այլ պաշտոնատար անձանց հետ Թբիլիսիից Ախալքալաք մեկնել է գնացքով: Պետական եւ կառավարական պաշտոնյաները այցելել են Ծալկա, Թեթրի Ծղարո եւ այլ կայաններ, հետաքրքրվեցին ԲԹԿ երկաթուղային տրանսպորտային միջանցքի բացման նախապատրաստման ընթացքով, որը միավորում է Ասիան եւ Եվրոպան:
Հետևեք մեզ Viber-ում
