Նախարարը մեծ սպասումներ ունի
Հյուսիս- հարավ միջպետական ճանապարհի կառուցման համար ծախսվող գումարը կարող է գերազանցել 2 միլիարդ դոլարը: Մասնավոր ընկերությունների կողմից ներդրումային ծրագրեր կիրականացվեն ճանապարհի որոշ հատվածների կառուցման համար,- իր գործունեության մեկ տարվա ամփոփման ժամանակ հայտարարեց Տրանպորտի, կապի և տեղեկատվական տոխնոլոգիաների նախարար Վահան Մարտիրոսյանը: «Ներդրումային ծրագրի Աշտարակ-Թալին ճանապարհահատվածի ձախակողմյան հատվածում արդեն իսկ տեղադրվել է շուրջ 11 կմ բետոնե ծածկ, ևս 15 կմ նախատեսվում է տեղադրել մինչև տարեվերջ:Հյուսիս-հարավ ավտոճանապարհը շատ կարևոր է Հայաստանի համար, այն հյուսիսը հարավին կապող բարձրակարգ ճանապարհ է լինելու։ Այդ բարձրակարգ ճանապարհն է նպաստելու նաև տուրիստական հոսքի և բեռնափոխադրումների աճին»,- ասաց նախարարը։ «Ասիական զարգացման բանկը ֆինանսավորում է Հյուսիս-հարավի միայն մի մասի շինարարությունը:Նախարարությունը և բանկը լավ համագործակցում են միմյանց հետ, ցանկացած ծրագիր քննարկվում է և՛ այստեղ, և՛ այնտեղ, դիտարկում ենք ծրագիրը իրենց տեսանկյունից և մեր տեսանկյունից: Ցանկացած ծրագիր պետք է լավ ուսումնասիրվի»,-անդրադառնալով Ասիական զարգացման բանկի ներկայացուցիչ Շեյն Ռոզենթալի օրեր առաջ արած հայտարարությանն ասաց,որ դեռ չկառուցված՝ Աշտարակ – Լանջիկ հատվածի շինարարության արժեքը կհասնի 3,5 միլիոն դոլարի: Կառավարությունը մտադիր է ավարտին հասցնել մայրուղու կառուցումը,ասաց նա և հավելեց,որ Տրանպորտի, կապի և տեղեկատվական տոխնոլոգիաների նախարարությունը նախատեսում է այս տարի հանրապետությունում ապահովել միասնական ավտոբուսային պարկ, որը հասանելի է լինելու բոլոր մարզերի համար և ապահովելու է միասնական տոմսի գաղափար։ Ծրագիրը նախ մարզերից մեկում պիլոտային սկզբունքով կիրականացվի։ Լարսին այլընտրանքային ճանապարհ կառուցելու համար հարևան պետությունների հետ մի քանի տարբերակներ արդեն քննարկվում են,ասաց նա:
Հետևեք մեզ Viber-ում
