Արտակարգ իրավիճակ Խարբերդի ամառանոցներում. 2 ժամից ավելի է փրկարարները որոնում են փլատակների տակ մնացած քաղաքացուն

Արդեն 2 ժամից ավելի է Արտակարգ իրավիճակների նախարարության փրկարար ծառայության մեծ թվով փրկարարներ Խարբերդի ամառանոցների 11-րդ փողոցի տներից մեկոմ առաջացած փլուզման վայրում քաղաքացիների հետ որոնողական աշխատանքնեեր են կատարում` հայտնաբերոլու համար փլատակների տակ մանացած քաղաքացուն: Ինչպես դեպքի վայրից հայտնում է ֆոտոլրագրող Գագիկ Շամշյանը` օպերատիվորեն ժամանել են Երևանի 003 շտապօգնության թիվ 41 և 44 հերթապահ խմբերը, ինչպես նաև ԱԻՆ ՓԾ ճգնաժամային կառավարման ազգային կենտրոնի օպերատիվ խումբը` փրկարար ծառայության կապիտան Գարրի Արմաղանյանի գլխավորությամբ: Աշխատանքները տեղում ղեկավարում է փրկարար ծառայության փոխգնդապետ Սարգիս Բիձյանը: Տեղում են նաև Ոստիկանության Շենգավիթի բաժնի օպերատիվ խումբը:Ժամանել են նաև Հայաստանի քննչական կոմիտեր Երևան քաղաքի քննչական վարչության և Շենգավիթի քննչական բաժնի հերթապահ խմբերը` հատկապես կարևոր գարծերով ավագ քննիչ Նարեկ Մովսիսյանի գլխավորությմամբն: Ֆոտոլրագրողը հայտնում է , որ փլատակների տակ հայտնվածը 30-35 տարեկան տղա է`անունը Էդգար, ով իր ընկերոջ հետ աշխատանքներ է կարելիս եղել, երբ տեղի է ունեցել փլուզումը: Ընկերը մի կերպ է փրկվել, սակայն չի կարողացել էդգարին փրկել, քանի որ փլուզումը վայրկյաններ է տևել: Օպերատիվորեն ժամանել է նաև դատական բժիշկը: