Պաշտոնները կորցնելուց հետո Հովիկ Աբրահամյանի և Սերգո Կարապետյանի ընկերությունները հայտնվել են սև ցուցակում
«Ժողովուրդ» օրաթերթը գրում է. «Պահածոների արտադրությամբ զբաղվող «Արտֆուդ» ընկերությունը տեւական ժամանակ է` չի կարողանում մասնակցել պետական գնումների գործընթացին: «Ժողովուրդ» օրաթերթը տեղեկացավ, որ ՀՀ Արարատի եւ Սյունիքի մարզերի երեք դպրոցներ դիմել են ֆինանսների նախարարություն` պահանջելով «Արտֆուդ»-ին ներառնել սեւ ցուցակում: Հետաքրքիր է, սակայն, փաստը, որ այս ընկերության գլխին սեւ ամպեր սկսեցին կուտակվել սեփականատերերի` ՀՀ նախկին վարչապետ Հովիկ Աբրահամյանի եւ ՀՀ գյուղատնտեսության նախկին նախարար Սերգո Կարապետյանի՝ պաշտոնից հեռանալուց ամիսներ անց: Այնպիսի տպավորություն է, որ Հայաստանում միայն գործող պաշտոնյաներին պատկանող ընկերություններն են ունենում անխոցելի գործելու «իրավունք», իսկ նրանց պաշտոնանկությունից հետո միանգամից ի դերեւ են ելնում տարատեսակ խախտումներ, որոնց վրա աչք են փակել տարիներ շարունակ»: Ավելի մանրամասն` «Ժողովուրդ» օրաթերթի այսօրվա համարում:
Հետևեք մեզ Viber-ում
