Արտակարգ դեպք Մեղրու մաքսակետի դարպասների մոտ. դանակահարվել է 3 քաղաքացի

Shamshyan.com-ը գրում է.Հայաստանի քննչական կոմիտեի Սյունիքի մարզային քննչական վարչությունում հարուցվել է քրեական գործ՝ այսօր՝ սեպտեմբերի 22-ին, Սյունիքի մարզում 3 քաղաքացիների դանակահարության փաստով: Ժամը 00:10-ի սահմաններում Մեղրիի բժշկական կենտրոնից Ոստիկանության Մեղրիի բաժին հայտնել են, որ որովայնի մասում սուր կտրող-ծակող գործիքից ստացած մարմնական վնասվածքներով իրենց մոտ են տեղափոխվել 3 քաղաքացի: Հիվանդանոց են մեկնել Ոստիկանության Մեղրիի բաժնի օպերատիվ խումբը՝ բաժի պետ Արա Դավթյանի, բաժնի պետի օպերգծով տեղակալ Արմեն Մինասյանի գլխավորությամբ: Ոստիկանները պարզել են, որ վիրավորները Երևան քաղաքի բնակիչ, 46-ամյա Վոլոդյա Ստեփանյանն է, Սյունիքի մարզի Ագարակ քաղաքի բնակիչ, 42-ամյա Հրաչ Վարդանյանն է և Սյունիքի մարզի Կուրիս գյուղի բնակիչ, 42-ամյա Սամվել Մկրտչյանն է: Ոստիկանները պարզել են նաև, որ նախորդ օրը՝ սեպտեմբերի 21-ին, ժամը 23:40-ի սահմաններում Մեղրիի մաքսակետի դարպասների մոտ վիճաբանություն է տեղի ունեցել նշված անձնանց և Սյունիքի մարզի Թխկուտ գյուղի բնակիչ, 26-ամյա Թաթուլ Գևորգյանի միջև, որի ժամանակ էլ վերջինս իր մոտ եղած դանակով հարվածներ է հասցրել նշված անձանց: Մինչ ոստիկանները հիվանդանոցում կպարզեին դեպքի հանգամանքները, Ոստիկանության Մեղրիի բաժնի քրեական հետախուզության բաժանմունքի պետ Հայկ Բաբայանը ավագ օպերլիազոր Վովա Օհանյանը, և օպերլիազոր Գարեգին Հովհաննիսյանը վիճաբանության վայրում պարզում են, թե ինչն է եղել պատճառը, այն է՝ Իրանի Իսլամական Հանրապետության քաղաքացիների տեղափոխման հարցում ծագել է վիճաբանություն, ինչն էլ ավարտվել է դանակահարությամբ: Մեղրիի ոստիկանների բացատրական աշխատանքների արդյունքում Թ. Գևորգյանը լուսաբացին կամավոր ներկայացել է Ոստիկանության Մեղրիի բաժին և խոստովանել տեղի ունեցածը ու ներկայացրել դանակը, որով հարվածել է նշված անձանց: