Վստահ էինք, որ Անդրանիկ Թևանյանին կհաջողվի ընտրարշավը ճիշտ և գրագետ կազմակերպել

12:21 - 18/սեպտեմբերի/2023

Դիտել նաև Անդրանիկ Քոչարյանի արձագանքը․ ով է ներողություն խնդրելու «Վայ, քոռանամ ես». Անդրանիկ Քոչարյանը ծաղրում է «Թավշյա հեղափոխության» նվաճումների մասին. Փաշինյան Նիկոլի ակտիվն ու պասիվը Նիկոլ Փաշինյանը՝ թուրքական բաղնիքում․ ո՞վ կհայտնվի Նեսոյի քարաբաղնիսում․ Անդրանիկ Թևանյան

ՇՆՈՐՀԱՎՈՐՈՒՄ ԵՆՔ

Կայացավ Երևանի ավագանու սեպտեմբերտասնյոթյան ընտրությունը։ «Մայր Հայաստան» դաշինքը և ընդդիմադիր դիրքերից հանդես եկող մյուս ուժերը արձանագրեցին փայլուն արդյունք, որի համար շնորհավորում ենք բոլորիս։ Մենք վստահ էինք, որ Անդրանիկ Թևանյանին կհաջողվի ընտրարշավը ճիշտ և գրագետ կազմակերպել։

Ընտրություններին ակտիվ մասնակցություն ունեցան նաև բոլոր ուժային կառույցների պահեստազորում գտնվող սպաները, որի համար շնորհակալ ենք։

Երևանում իշխող ընդդիմադիր տրամադրությունների և հնարավոր հաղթանակի հեռանկարի հետ կապված մեր կանխատեսումները իրականացան ինչպես եղել էր Գյումրիի ավագանու 2021թ․ ընտրության պարագայում, որտեղ սակայն Քաղաքացիական պայմանագրին այնուամենայնիվ հաջողվեց իշխանության մաս կազմել բացառապես ներքին խմորումների, հետկուլիսային պայմանավորվածությունների արդյունքում։ Պիտի ամեն կերպ բացառել Երևանում Գյումրիի սցենարի կրկնությունը՝ ժողովուրդը դա չի հանդուրժելու։

Ափսոսում ենք, որ ընդդիմությունը չմիավորվեց, իսկ մի հատվածն էլ պարզապես ընտրեց բոյկոտի ճանապարհը։ Հակառակ պարագայում «Մայր Հայաստան» դաշինքն ավելի լավ արդյունք կարձանագրեր։ Այնուամենայնիվ մենք հարգում ենք իշխանություններին այդ կերպ մերժելու քաղաքացիների որոշումը։ Հուսանք, որ ընտրական անցողիկ շեմը հաղթահարած, ընդդիմադիր դիրքերից հանդես եկող ուժերը կմիավորվեն, կձևավորեն քաղաքային իշխանություն։

Երևանում տիրող տրամադրությունները վկայում են, որ մայրաքաղաքն է այսօր թելադրում Հայաստանի քաղաքական օրակարգը, իսկ նրա արձակած վերդիկտն է՝ վերջ քպական իշխանությանը։

ԱԱԾ պահեստազորի սպաների միություն ՀԿ-ի ֆեյսբուքյան էջից