Զախարովան՝ Հայաստանում Ռուսաստանի կողմից հեղաշրջման տեղեկությունների մասին (video)

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է հայաստանյան մի շարք հանրային էջերում 3 հազար «վագներականների» ենթադրյալ ներկայության մասին հրապարակումները, ըստ որի` նրանք Հայաստանում են հեղաշրջում իրականացնելու նպատակով:

Զախարովան նման հրապարակումներն անվանել է հերթական «առասպել» ու կեղծիք:

«Լուսանկարներ կա՞ն, կա՞ հաստատում, որտեղի՞ց 3 հազար թիվը, ինչո՞ւ ոչ 3 կվադրիլիոն, որտե՞ղ են փաստերը, որտե՞ղ է կապը տարածքի հետ, որտե՞ղ են նրանք, եթե խոսում են այդքան շատ մարդկանց մասին: Սա երեք միլիարդ բնակչություն ունեցող երկիր չէ, նրանք հավանաբար կտեսնեին այս մարդկանց և նկատեին: Սա պարզապես առասպելաբանության կատեգորիայից է», - ճեպազրույցում ասել է նա:

Զախարավան հիշեցրել է ՌԴ Դաշնային խորհրդի միջազգային կոմիտեի ղեկավար Գրիգորի Կարասինի հայտարարությունը, ով ասե էր, որ Կրեմլի կողմից Հայաստանում հեղաշրջում նախապատրաստելու մասին պնդումները հիմարություն են:

Հիշեցնենք` «Բաղրամյան-26» Telegram ալիքում հաղորդագրություն էր հրապարակվել այն մասին, որ Կրեմլը հեղաշրջում է նախապատրաստում Հայաստանում։ Ալիքի տվյալներով՝ Պրիգոժինի մահվան պահին Հայաստանում կար «Վագների» մոտ 3000 մարտիկ։ Վերջերս (հիմնականում Ռոստովից) նրանց է միացել ևս մոտ 2000 պայմանագրային զինծառայող։
Նշվում էր, որ Կրեմլը արտոնել է Հայաստանում պետական հեղաշրջման սցենարը: