Փաստաբանը հանցագործության մասին դիմում է ներկայացրել ՀՀ գլխավոր դատախազին

Ներկայացնում ենք Հակոբ Ճարոյանի դիմումը հասցեագրված ՀՀ գլխավոր դատախազ Աննա Վարդապետյանին
Հարգարժան գլխավոր դատախազ,
ՀՀ կառավարության 2003 թվականի նոյեմբերի 6-ի N 1522-Ն որոշմամբ սահմանվել է, որ «Կոռուպցիան անձնական կամ այլ շահադիտական նպատակով, տարբեր ձևերով արտահայտված (գործողությամբ կամ անգործությամբ) ի պաշտոնե տրված իշխանական լիազորությունների չարաշահումն է: Կոռուպցիան որպես վստահված իշխանության չարաշահում ունի մի շարք դրսևորումներ և բազում «նրբերանգներ», որոնցից են կաշառակերությունը` կաշառք ստանալը, տալը, կաշառքի միջնորդությունը, կաշառքի շորթումը, հովանավորչությունը, պաշտոնական դիրքի կամ կապերի չարաշահումը, պաշտոնական լիազորությունները չարաշահելը կամ անցնելը, պաշտոնական կեղծիքը, պաշտոնական դիրքի օգտագործմամբ պետական սեփականության յուրացումն ու վատնումը, ինչպես նաև պաշտոնեական այլ չարաշահումները:
Կոռուպցիան դիտարկվում է երկու մակարդակում`
1. «Վերևների» կոռուպցիա (քաղաքական կամ պետական իշխանության չարաշահում)` դա անձնական օգուտից կամ շահից դրդված քաղաքական գործիչների ու բարձրաստիճան պաշտոնատար անձանց կողմից քաղաքական որոշումներ կայացնելիս իրենց վստահված քաղաքական իշխանության չարաշահումն է:
2. «Ներքևների» կոռուպցիա (վարչական կոռուպցիա)` դա բնորոշ է միջին և ստորին օղակի պաշտոնա¬տար անձանց, որոնք ամենօրյա շփումների մեջ են քաղաքացիների հետ:
Կոռուպցիայի այս երկու մակարդակների տարանջատումը շատ կարևոր է կոռուպցիայի հասարակական ընկալումները քննության առնելու և դրանց դեմ պայքարը համակարգելու տեսանկյունից, քանի որ երկրորդ մակարդակը շատ հաճախ որպես կոռուպցիա չի ընկալվում, այլ դիտվում է «մատուցվող ծառայություններն արագացնելու նպատակով արվող վճարում»:
ՀՀ-ում «վերևների» կոռուպցիայի օրինակ է հանդիսանում «Միասնական Հայրենիք» կուսակցության հիմնադիր, բազնաթիվ հանցավոր արարքներ կատարած Մհեր Հայկի Տերտերյանի «գործերը», ով ժամանակավորապես, քրեական պատասխանատվության չի ենթարկվում, քանի որ նրան հովանավորում են այն պաշտոնյաները, ովքեր ի պաշտոնե պարտավոր էին նրան ենթարկել քրեական պատասխանատվության։
Որպես փաստաբան ներկայացնում եմ Նաիրա Ֆրիդրիխի Տերտերյանի շահերը, ում փաստաբանական ծառայություններ մատուցելու ընթացքում, մասնավորապես, ապացուցել եմ, որ՝ Մհեր Հայկի Տերտերյանը՝ 2019թ. փետրվար-հունիս ամիսներին, չարաշահելով իր կնոջ՝ Նաիրա Ֆրիդրիխի Տերտերյանի վստահությունը և համագործակցելով «Երևան» նոտարական տարածքի նոտար Նոնա Խաժակի Գասպարյանի հետ, խարդախությամբ հափշտակել է համատեղ ընդհանուր սեփականության իրավունքով իրեն և Նաիրա Տերտերյանին պատկանող, ավելի քան 4.000.000.000 (չորս միլիարդ) ՀՀ դրամ գումար շուկայական արժեք ունեցող անշարժ գույքերի՝ Նաիրա Տերտերյանին պատկանող 1/2-րդ բաժնեմասերը, որն իրականացրել է նոտար Նոնա Գասպարյանին և ՀՀ կադաստրի կոմիտեի ղեկավար աշխատողին առանձնապես խոշոր չափերի կաշառքներ տալու միջոցով։
Եթե սույն դիմումին ընթացք տրվի ՀՀ օրենսդրությամբ սահմանված կարգով՝ նախաձեռնվի քրեական վարույթ և իրականացվի նախաքննություն, ապա նախաքննության ընթացքում ոչ միայն կհիմնավորեմ Մհեր Հայկի Տերտերյանի կողմից բազմաթիվ հանցավոր արարքներ կատարելը, այդ թվում՝ «Երևան» նոտարական տարածքի նոտար Նոնա Խաժակի Գասպարյանի հետ համագործակցելու, նրան կաշառք տալու և նրա հետ փաստաթղթեր կեղծելու միջոցով իր կնոջը պատկանող անշարժ գույքերը խարդախությամբ հափշտակելը, այլև կհիմնավորեմ «վերևների» կոռուպցիայի գոյությունը, ովքեր հովանավորում են Մհեր Տերտերյանին և որի արդյունքում նա, ժամանակավորապես, խուսափում է քրեական պատասխանատվությունից։
Պնդում եմ՝Մհեր Տերտերյանն ունի հովանավորներ, ովքեր կատարում են պաշտոնեական դիրքի չարաշահումներ կամ օգտվում են իրենց կարգավիճակից, մասնավորապես, Մհեր Տերտերյանի հովանավորներն են՝
ՀՀ վարչապետ Նիկոլ Փաշինյանը, ով, հիմք ընդունելով Մհեր Տերտերյանի՝ «Միասնական Հայրենիք» կուսակցության առաջնորդ լինելու հանգամանքը, նրան օգտագործում է քաղաքական նպատակներով,
ՀՀ վարչապետի տիկին Աննա Հակոբյանը, ով Մհեր Տերտերյանին հովանավորում է՝ նրա կողմից «Իմ քայլը» հիմնադրամին գումարներ փոխանցելու համար.
ՀՀ գլխավոր դատախազ Աննա Վարդապետյանը, ով կատարելով Նիկոլ Փաշինյանի և/կամ Աննա Հակոբյանի հանձնարարություն-խնդրանքը. պատկան մարմիններին հանձնարարում է Մհեր Տերտերյանի նկատմամբ քրեական վարույթներ չնախաձեռնել, հարուցված վարույթները կարճել, հարուցված քրեական վարույթների նախաքննությունները ձգձգել.
ՀՀ քննչական կոմիտեի նախագահ Արգիշտի Քյարամյանը, ով կատարելով Նիկոլ Փաշինյանի և/կամ Աննա Հակոբյանի հանձնարարություն-խնդրանքը, քննչական մարմիններին հանձնարարում է Մհեր Տերտերյանի նկատմամբ քրեական վարույթներ չնախաձեռնել, հարուցված վարույթները կարճել, հարուցված քրեական վարույթների նախաքննությունները ձգձգել.
ՀՀ բարձրագույն դատական խորհրդի նախագահ Կարեն Անդրեասյանը, ով կատարելով Նիկոլ Փաշինյանի և/կամ Աննա Հակոբյանի հանձնարարություն-խնդրանքը, դատարաններին /դատավորներին/ հանձնարարում է ի վնաս Մհեր Տերտերյանի դատական ակտեր չկայացնել։
Հայտարարում եմ.
Մհեր Հայկի Տերտերյանն իր կատարած բազմաթիվ հանցավոր արարքների համար քրեական պատասխանատվության չի ենթարկվում, քանի որ նրան հովանավորում են ՀՀ վարչապետ Նիկոլ Փաշինյանը և նրա տիկին Աննա Հակոբյանը։
«Երևան» նոտարական տարածքի նոտար Նոնա Խաժակի Գասպարյանը քրեական պատասխա-նատվության չի ենթարկվում /աշխատանքից չի ազատվում/, քանի որ նրան քրեական պատասխանատվության ենթարկելու /աշխատանքից ազատելու/ դեպքում նա կհայտարարի, որ ինքը հօգուտ Մհեր Հայկի Տերտերյանի գործողություններն իրականացրել է նրանից կաշառք վերցնելու արդյունում, որից հետո քրեական պատասխանատվության կենթարկվի Մհեր Տերտերյանը, ով էլ կտա այն բոլոր պաշտոնյաների անունները, ում ինքը տվել է կաշառքներ։
Խնդրում եմ.
1.Հարուցեք քրեական վարույթ և պահանջեք, որպեսզի ես ապացուցեմ՝ Մհեր Հայկի Տերտերյանի և «Երևան» նոտարական տարածքի նոտար Նոնա Խաժակի Գասպարյանի կողմից Հ քրեական օրենսգրքով նախատեսված հանցավոր արարքներ կատարելը։
3.Պաշտոնատար անձան կողմից Մհեր Հայկի Տերտերյանին հովանավորելը։
Հարգանքով Հակոբ Ճարոյան