Ամենայն Հայոց «մայրենիի դեսպան» Ավետ Բարսեղյան
Սեպտեմբերի 18-20-ը Կ. Դեմիրճյանի անվան մարզահամերգային համալիրում անցկացվում է Հայաստան-սփյուռք համահայկական 6-րդ համաժողովը,որին մասնակցելու նպատակով Հայաստան են ժամանել Սփյուռքի հարյուրավոր մեր հայրենակիցները:Ինչպես արդեն հայտնել ենք,երեկ ,համաժողովին ընդառաջ,պատվիրակների համար Սփյուռքի նախարար Հրանուշ Հակոբյանը ընդունելություն է կազմակերպել «Փարավոն» ռեստորանային համալիրում ։ Մեր տեղեկություններով հավաքը նախատեսված է եղել 800 հոգու համար: Հավաքը վարել է ամենայն Հայոց «մայրենիի դեսպան»,հաղորդավար Ավետ Բարսեղյանը,ով կարողացել է ողջ ընթացքը վերածել վերջին ժամանակների հայաստանյան քեֆերի և հարսանիքների միջավայրի,ինքն էլ դառնալով այդ քեֆ-ուրախության թամադան:Այս փաստը բնականաբար մեծ զարմանք է առաջացրել հրավիրվածների շրջանում: Իսկ վերջում,թերևս ամենազարմանալին եղել է այն,որ սփյուռքի նախարար Հրանուշ Հակոբյանը, մեդալների իր արկղից նախարարության մեդալ է շնորհել ամենայն Հայոց «մայրենիի դեսպան» Ավետ Բարսեղյանին:
Հետևեք մեզ Viber-ում
