Հայերը միմյանցից նեղանալու իրավունք չունեն. վարչապետ
Երեւանում ընթացող Հայաստան-Սփյուռք համաժողովի ժամանակ իր ելույթում վարչապետ Կարեն Կարապետյանը հայտարարեց,որ հայերը միմյանցից նեղանալու իրավունք չունեն, նրանք պետք է հաղթահարեն դժվարությունները: «Մենք միմյանցից նեղանալու իրավունք չունենք: Պետք չէ վատից կառչել: Եթե նույնիսկ ամեն մեկը չունի մեղքի բաժին, ապա մեզանից ամեն մեկը կարող է մի փոքր ավելին անել: Մեզ առաջադեմ եւ զարգացած երկիր է պետք, որը աշխարհի բոլորի հայերին ձգող կենտրոն կդառնա: Մենք չպետք է պատրանքներ ունենանք: Անհրաժեշտ է դրանք հաղթահարել եւ պատկերացնել, թե ինչպիսի վիճակում ենք եւ ինչ կարող ենք անել: Անհրաժեշտ է միավորել բոլոր նրանց, ով անտարբեր չէ իր հայրենիքի եւ ժողովրդի նկատմամբ»,- ասաց Կարապետյանը:
Հետևեք մեզ Viber-ում
