Խորհուրդ կտամ հեռու մնան, եթե չեն ուզում ծնոտի հետ պրոբլեմ ունենան. Առուշանյան (video)
Գորիսում 6 միլիարդ դրամի շինարարություն է կատարում, որից 3 միլիարդը կառավարությունն է տալիս, Փաշինյանը եկել էր ստուգելու աշխատանքները: Այս մասին ասել է Գորիսի քաղաքապետ Առուշ Առուշանյանը՝ խոսելով այն քննադատությունների մասին, որ չնայած ինքը ընդդիմադիր է, բայց դիմավորել է Փաշինյանին:
«Քննարկողների մասին մի քանի բան կասեմ, նախ առաջինը՝ ո՞վ են իրենք, որ պիտի այսօր որոշեն՝ ես ինչ պիտի անեմ, կամ չանեմ: Ոչ իրանց ապրած կյանքը, ոչ էիրենց կարգավիճակը, թույլ չեն տա, որ իրենք այսօր արտահայտվեն: Իրենք պատերազմի ժամանակ իրենց կնոջ փեշի տակ են թաքնվել, խորհուրդ կտամ՝ հեռու մնալ, եթե չեն ցանկանում իրենց ծնոտի հետ պրոբլեմ ունենալ, ոչ էլ իրենք այնքան կան, որ որոշեն՝ ես ինչ անեմ: Ես 30 հազար մարդու համար պատասխանատվություն եմ կրում եւ այդքան մարդ ինձ են վստահել, որ իրենց կյանքի որակը բարելավեմ»,-ասաց նա:
Առուշ Առուշանյանը նշեց, որ ժողովուրդն է ընտրել Փաշինյանին, եւ տարօրինակ է, թե ինչու են հիմա իրեն քննադատում:
«Բազմիցս ասել եմ՝ ես պայքարում եմ Արցախի համար, արցախի լինելիության համար, ուղղակի մոդա է դառել ֆեյսբուքում ստատուսներ գրել ու ոչ մեկ դրա համար չի պատժվում»,- ասաց նա:
Հետևեք մեզ Viber-ում
