Ռուսաստանը զենք է վաճառում ագրեսիվ, ահաբեկչական զինված ուժերով պետության. Նորատ Տեր-Գրիգորյանց
Ադրբեջանին պետք է կանգնեցնել, այնինչ Ռուսաստանը նրան զենք է վաճառում։ Այս մասին սեպտեմբերի 18-ին՝ Հայաստան-Սփյուռք 6-րդ համաժողովի շրջանակում լրագրողների հետ հանդիպման ժամանակ, հայտարարել է արցախյան պատերազմի հերոս, գեներալ-լեյտենանտ Նորատ Տեր-Գրիգորյանցը: «Հայկական կողմը փորձում է մարդավայել ապրել, իսկ ադրբեջանական կողմը անընդհատ խախտում է հրադադարի ռեժիմը։ Միջազգային հանրությունը նրանց չի պատժում։ Սա է ամենավտանգավոր երեւույթը։ Ադրբեջանական կողմը պետք է կանգ առնի, իսկ Ռուսաստանը նրան զենք է վաճառում, ընդ որում, շատ հզոր զենք։ Աշխարհում ոչ ոք չունի այդպիսի տանկեր, ուղղաթիռներ, Ս-400 համազարկային կրակի ռեակտիվ համակարգեր: Նրանք զենք են գնում Ռուսաստանից, ում ռազմական դաշնակիցը մենք ենք:Ես դեմ եմ, որ ՌԴ նախագահ Վլադիմիր Պուտինը վերջերս ելույթ էր ունեցել եւ նշել՝«ցանկալի չէ, արգելվում է զենք վաճառել պատերազմող երկրներին»։ Բայց հենց իրենք վաճառում են։ Իսկ ո՞վ է Ադրբեջանը. ագրեսիվ, ահաբեկչական զինված ուժերով պետություն»,-ասաց գեներալը։
Հետևեք մեզ Viber-ում
