Արցախում կան պացիենտներ, որոնց կյանքին վտանգ կարող է սպառնալ, եթե պատշաճ բուժօգնություն չստանան (video)
Բավականին կրիտիկական է վիճակն Արցախում գտնվող այն պացիենտների համար, որոնք խորքային հետազոտության ու բուժման կարիք ունեն։ Այդ մասին այսօր Կառավարության նիստից հետո լրագրողների հետ զրույցում ասաց առողջապահության նախարար Անահիտ Ավանեսյանը։
Նրա խոսքով՝ ԿԽՄԿ-ի կողմից տեղափոխվող պացիենտներից մեկին առևանգել են, ինչն անթույլատրելի է։
«Բոլոր աշխատանքները տարվում են, որ Հակարի կամրջի մոտ գտնվող հումանիտար բեռը կարողանանք տեղափոխել»,- ասաց նա։
Ավանեսյանը տեղեկացրեց՝ կան հիվանդներ, որոնց կյանքին վտանգ է սպառնում։
«Դեղորայքի ու բժշկական պարագաների սղության հարց կա, կարիք կա, որը բավարարել չի ստացվում։ Բացի այդ, երեխաների համար կանթնախառնուրդներ ենք ուղարկել, որը դեռ տեղ չի հասել։ Հոգեբանական աջակցություն են տրամադրում մայրիկներին, որ կրծքով կերակրեն երեխաներին, գոնե այդ մասով խնդիր չառաջանա»,- ներկայացրեց Անահիտ Ավանեսյանը։
Բացի այդ, քրոնիկ հիվանդների համար ևս դեղորայք կա ուղարկված հումանիտար բեռում և խիստ անհրաժեշտ է, որ դրանք շուտ հասցնեն Ստեփանակերտ։
Մանրամասները՝ տեսանյութում։
Հետևեք մեզ Viber-ում
