Սերժ Սարգսյանը բացարձակապես անընդունելի է. Նիկոլ Փաշինյան
Սերժ Սարգսյանը բացարձակապես անընդունելի է: Մենք նաև ուզում ենք ասել, որ ՀՀԿ ցանկացած թեկնածու մեզ համար անընդունելի է: Այսօր ԱԺ ճեպազրույցների ժամին ասաց «Ելք» խմբակցության ղեկավար Նիկոլ Փաշինյանը: «Այն, թե ինչպես է վերաբերում Գալուստ Սահակյանը Սերժ Սարգսյանին, դա բացառապես իրենց անձնական խնդիրն է: Բայց Սերժ Սարգսյանի պաշտոնավարումը երրորդ ժամկետով, այսինքն` որպես վարչապետ, դա նրա երրորդ ժամկետն է լինում, բացառապես անընդունելի է «Ելքի» համար: «Ելքը» ամեն ինչ կանի իրենից կախված, նման սցենար թույլ չտալու համար»,- նշեց Նիկոլ Փաշինյանը: Նրա խոսքով` նախորդ ընտրությունների ժամանակ արձանագրվածը ցավալի է, բայց ժողովուրդը կարող է նոր արձնագրումներ անել և, երբ կպարզվի, որ «Ելքը» իրավունք ունի խոսել ՀՀ քաղաքացիների մեծամասնության անունից, իրենք երաշխավորում են, որ այդ քաղաքացիների կամքը կդառնա քաղաքական իրողություն: «Եթե ստատուս քվոյի պայմաններում վերարտադրություն է տեղի ունենում, դա անընդունելի է: Չի բացառվում, որ կարող է ձևակերպվել խորհրդարանում նոր մեծամասնության ձևավորման խնդիրը»,- նշեց նա:
Հետևեք մեզ Viber-ում
