Հայաստանը պետք է վերադարձնի հինգ շրջանները. Ալեքսանդր Դուգին

Մոսկվա-Բաքու համաժողովի շրջանակներում քաղաքագետ Ալեքսանդր Դուգինը հայտարարել է, որ Ղարաբաղի հարցում Ռուսաստանը հանդես է գալիս որպես խաղաղարար երկիր: «Ղարաբաղյան խնդիրը խոչընդոտում է Մոսկվա-Բաքու աշխարհաքաղաքական առանցքի ամրապնդմանը: Բայց մեզ այսօր չի բավարարում ստստուս-քվոն: Իմ կարծիքով, ներկայիս ստստուս-քվոն չի բավարարում նաեւ կողմերից եւ ոչ մեկին»,- ասել է քաղաքագետը: Ինչպես ասել է՝ տարածաշրջանում փոխվում է ուժերի հարաբերակցությունը: «Հայաստանը Ռուսաստանի բարեկամն է, գործընկերը, բայց դրա հետ մեկտեղ Ռուսաստանն Ադրբեջանին ընդունում է որպես ընկեր եւ բարեկամ: Ընթանում է երկու երկրների մերձեցման գործընթաց, այդ թվում եւ ռազմական ոլորտում: Այսուհանդերձ, մենք Ադրբեջանի հետ չենք բարեկամանում ընդդեմ Հայաստանի: Հայաստանը պետք է, անկասկած, Ադրբեջանին վերադարձնի գրավյալ հինգ շրջանները»: