Ողբերգական վթար՝ Արմավիրում. «Մերսեդեսը» բախվել է ճայռին, գլորվել ձորակը. կա զոհ և 2 վիրավոր
Հայաստանի ԱԻՆ-ում, այսօր՝ սեպտեմբերի 15-ին, ժամը 00:07-ին ահազանգ է ստացվել, որ Դալարիկ-Քարակերտ ավտոճանապարհին տեղի է ունեցել ավտովթար, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է, որ Դալարիկ-Քարակերտ ավտոճանապարհի 3-րդ կմ-ին «Mercedes E 320» մակնիշի 35 VU 022 համարանիշի (վարորդ՝ 54-ամյա Սայաթ Մ.). դուրս է եկել ճանապարհի երթևեկելի հատվածից, բախվել ժայռերին և հայտնվել հարակից ձորակում (մոտ 3 մ խորությամբ)՝ կողաշրջված: Մինչ փրկարարների՝ կանչի վայր հասնելը ուղևոր 54-ամյա Պարգև Ենգոյանը տեղում մահացել է, իսկ վարորդ՝ 54-ամյա Սայաթ Մ-ն և ուղևոր 49-ամյա Գարիկ Խ.-ն հոսպիտալացվել են Արմավիրի ԲԿ: Բժիշկները Գարիկ Խ.-ի առողջական վիճակը գնահատել են ծայրահեղ ծանր, իսկ Սայաթ Մ.-ինը՝ միջին ծանրության: Փրկարարները հոսանքազրկել են ավտոմեքենան և փակել գազի բալոնի փականը:
Հետևեք մեզ Viber-ում
