Լյովա Խաչատրյան չի պատրաստվում առաջադրվել

Այսօր մամուլում գրվել էր, որ ԱԺ նախկին պատգամավոր, Լյովա Խաչատրյանին չեն գրանցել համայնքապետի թեկնածու: Մասնավորապես նշվում էր, որ Խաչատրյանը ցանկացել է առաջադրվել Ապարանի խոշորացված համայնքների միավորման ղեկավարի պաշտոնում, սակայն նրան չեն գրանցել՝ մերժումը պատճառաբանելով, որ նա այդ համայնքում 6 ամսվա գրանցում չունի: Լյովա Խաչատրյանը միայն այս տարվա մայիսին է դուրս գրվել երեւանյան հաշվառումից եւ գրանցվել հարազատ Երնջատափ գյուղում, թեեւ տարիներ շարունակ փաստացի բնակվում է գյուղում: hayeli.am-ը կապ հաստատեց Լյովա Խաչատրյանի հետ և վերջինս վստահեցրեց, որ նման բան չկա, քանի որ դեռ թեկնածության առաջադրման ժամկետը չի լրացել, սակայն չի էլ պատրաստվում առաջադրվել և մասնակցել ընտրությանը: