Ազատվել ստերիոտիպից
Կառավարության այսօրվա նիստում վարչապետ Կարեն Կարապետյանն անդրադարձավ ըստ եղանակային պայմանների շինարարական աշխատանքների կազմակերպմանը:
Ինչպես ասաց՝ հաշվի առնելով եղանակային պայմանները, որոշում են շինարարական աշխատանքների թույլտվության տրամադրման կամ մերժման հարցը:
Ըստ նրա՝ հանրային ծառայության ոլորտի կազմակերպությունները, չնայած շինարարական աշխատանքները կատարելու անհրաժեշտությանը, ձմեռային պայմաններում հաճախակի զրկված են լինում աշխատանքները կատարելու հնարավորությունից, քանի որ չի տրամադրվում համապատասախան թույլտվություն:
Վարչապետը ՀՀ քաղաքաշինության պետական կոմիտեի նախագահին հանձնարարեց 40-օրյա ժամկետում մշակել ու հաստատել շինարարական աշխատանքները ըստ եղանակային պայմանենրի կազմակերպելու, դրանց ներկայացվող պահանջների ու պայմանների ապահովման վերաբերյալ իրավական ակտի նախագիծ:
ՀՀ տարածքային կառավարման ու զարգացման նախարարին էլ հանձնարարեց ուսումնասիրել ու ըստ անհրաժեշտության ներկայացնել իրավական ակտի նախագիծ` շինարարական աշխատանքների կատարման ժամանակ ՏԻՄ-երի կողմից համապատասխան թույլտվությունների տրամադրման հայեցողական լիազորությունների սահմանափակման և գործնականում բացառապես եղանակային պայմաննրից ելնելով մերժման դեպքերը բացառելու նպատակով:
Հետևեք մեզ Viber-ում
