Տաջիկստանում աղջկան ամուսնացրել են անծանոթի հետ՝ նախագահի հրամանով (լուսանկարներ)

Համացանցում են հայտնվել 22-ամյա բուժքույր Մարջոնայի և 23-ամյա ուսուցիչ Սաիդշոյի հարսանիքի լուսանկարները: Նորապսակները ծանոթացել են հարսանիքից ընդամենը 10 օր առաջ: Տաջիկստանում պայմանագրային ամուսնությունները սովորական երևույթ են, սակայն այս հարսանիքը կազմակերպվել է Հանրապետության նախագահ Էմոմալի Ռահմոնի հրամանով: Տաջիկստանի նախագահը ուսուցչին նկատել է Զարգար գյուղ կատարած աշխատանքային այցի ժամանակ: Սաիդշոն բանաստեղծություն է արտասանել, որում գովերգել է նախագահին: Էմոմալի Ռահմոնը ուսուցչից հետաքրքրվել է՝ արդյոք ամուսնացած է: Ուսուցիչը պատասխանել է, որ ոչ: Այդ ժամանակ էլ նախագահը վարչակազմին հրամայել է անհապաղ ամուսնացնել ուսուցչին: Հարսնացուին՝ բուժքրոջը, արագ գտել են: Վերջինիս ծնողները դեմ չեն եղել ամուսնությանը: Տարածված տեսանյութերից երևում է, որ հարսը երջանիկ տեսք չունի, սակայն շատերն էլ պնդում են, որ տխուր տրամադրությունը Տաջիկստանի հարսանիքներում ընդունված ավանդույթ է: ankakh.com