ՀՀԿ-ն՝ «Ծառուկյան» դաշինքի հետ կոալիցիայի մասին
ԱԺ Հանրապետական խմբակցության ղեկավար Վահրամ Բաղդասարյանը լրագրողների հարցին, թե արդյոք հնարավո՞ր է, որ «Ծառուկյան» դաշինքի հետ միասին եռակողմ կոալիցիա ձևավորվի, ինչը երեկ չբացառեց «Ծառուկյան» խմբակցության ղեկավար Գագիկ Ծառուկյանը, կոնկրետ պատասխան չտվեց: «Դա կարող է վերաբերել 2022 թվականին։ Առայժմ մենք մեր կոալիցիոն գործընկերների հետ շատ խաղաղ առաջ ենք ընթանում, համագործակցում ենք նաև բոլոր խորհրդարանական և ոչ խորհրդարանական քաղաքական ուժերի հետ, այդ թվում նաև «Ծառուկյան» խմբակցության հետ»,- նշել է Հանրապետական Կուսակցության խորհրդարանական խմբակցության առաջնորդը։ Իշխանական ուժի ներկայացուցչի խոսքով, այդուհանդերձ, քաղաքականության մեջ ոչինչ հավերժ չի լինում, բայց հորդորում է դեպքերից առաջ չընկնել։
Հետևեք մեզ Viber-ում
