Մերոնք «տեղն են դրել» ՀՀԿ-ական անդամին, սակայն իրենց ոճով չենք կարող պատասխանել, որովհետև մենք կիրթ ենք. Էդմոն Մարուքյան
Այսօր Երևանի ավագանու նիստում միջադեպ էր տեղի ունեցել Հանրապետական և Ելք խմբակցությունների անդամների միջև, որի ընթացքում Ելք խմբակցության անդամ Անահիտ Բախշյանի հասցեին վիրավորական արտահայտություններ էին հնչեցվել։Երևանի ավագանում տեղի ունեցած այսօրվա միջադեպը դատապարտելի է: Անդրադառնալով դեպքին՝ ասաց ԱԺ «Ելք» խմբակցության պատգամավոր Էդմոն Մարուքյանը: «Այն ոճով, որով պահում էին իրենց Հանրապետականի անդամները, այդ ոճով մերոնք չէին կարող տեղը դնել նրանց, որովհետև մերոնք ցիվիլ մարդիկ են։ Հենց դա է մեր տարբերությունը»,- ասաց նա: Այնուհետև՝ զգուշացրեց՝ ՀՀԿ-ականները պետք է իրենց կարգի հրավիրեն, հակառակ դեպքում դա շատ վատ հետևանքներ կարող է ունենալ: «Ո՞ւմ են բերել՝ Երևանի ավագանու անդամ դարձրել... Մարդիկ խառնել են, չգիտեն՝ ինչ ու որտեղ գործ ունեն: Դատապարտում եմ այդ լկտի պահվածքը, ավագանու որևէ անդամ չի կարող իրեն այդ ձևով պահել, տարեց կնոջ մասին այդպես խոսել, առհասարակ՝ որևէ մեկի մասին այդպես խոսել»,- ասաց Էդմոն Մարուքյանը:
Հետևեք մեզ Viber-ում
