Ինչու է ծրագրերի վրա հսկայական գումարներ ծախսվում
Հայաստանի Հանրապետության և Համաշխարհային բանկի 25-ամյա համագործակցությանը նվիրված «Ապագայի Հայաստանը» ֆորումի ժամանակ ՀՀ ֆինանսների նախարար Վարդան Արամյանը նշեց, որ Համաշխարհային բանկի հետ համագործակցում ենք 1992 թվականից. «Սիրիլ Մյուլլերը շատ հստակ նշեց, որ 1992 թվականից այս կողմ մենք ունեցել ենք բավականին լավ առաջընթաց: Դա չափվում է մեկ շնչին բաժին ընկնող ՀՆԱ-ով, ենթակառուցվածքների զարգացման ինդեքսով, դա նաև չափվում է գնողունակության ինդեքսով պայմանավորված մեկ շնչին բաժին ընկնող ՀՆԱ-ով: Այսինքն՝ մենք չենք կարող արձանագրել, որ առաջընթաց չենք ունեցել: Համաշխարհային բանկի չափանիշներով Հայաստանը համարվում է միջին եկամուտով երկիր: Այս ցուցանիշները խոսում են այն մասին, որ իրականում մեզ մոտ եղել է զարգացում»: Դիտարկմանը, թե ծրագիրներն իրականացնելիս ահռելի գումարներ են հատկացվում խորհրդատվությանը, Արամյանը նշեց, որ այսօրվա դրությամբ ամենաթանկ բանը գիտելիքն է. «Ասել, թե խորհրդատվության վրա շատ է գնում կամ քիչ, դժվար է դրան պատասխանել, որովհետև պետք է ունենանք գործիք: Լավ խորհրդատվությունը միշտ էլ թանկ արժի»:
Հետևեք մեզ Viber-ում
