Ալիևը Նիկոլին կադաստրի թուղթ կտա, բայց Հայաստան չի մնա․ Բաբկեն Հարությունյան (video)

«Հայրենիք» կուսակցությունից Բաբկեն Հարությունյանը Հայելի ակումբի ուղիղ եթերում անդրադարձել է Մոլդովայում Փաշինյանի հայ համայնքի հետ հանդիպմանը, այնտեղ հնչած մտքերին, Հայաստանին ու Արցախին սպառնացող նոր լրջագույն վտանգներին։
Անդրադառնալով ԱՄՆ Պետդեպի հայտարարությանը Բաբկեն Հարությունյանը նշեց. «Երբ մենք ակընկալում ենք միջազգային հանրությունից որոշակի քայլեր և հայտարարություններ, մենք մեր քայլերով պետք է թույլ չտանք, որ բանը հասնի դրան, որպեսզի, եթե նույնիսկ այդ հայտարարությունները լինում են կարողանանք դրան հակադարձել։ Խոսքը վերաբերում է Միացյալ Նահանգների կողմից արած հայտարարությանը և Հայաստանի իշխանությունների դիրքորոշմանը, իսկ դուք ի՞նչ եք արել, որ Միացյալ Նահանգները նման հայտարարություն չտարածի։ Պարզ է չէ՞, եթե դու ասում ես, որ ճանաչում ես Արցախը՝ Ադրբեջանի մաս, ուրեմն Միացյալ Նահանգները պետք է ասի՝ իրար հետ լեզու գտեք, ապրեք այդ հողի վրա, ընդունեք Ադրբեջանի քաղաքացիություն՝ արցախցիներին, շարժվեք ադրբեջանական օրենքներով։ Նույնիսկ եթե դու հղում ես անում նոյեմբերի 9 -ի համաձայնագրով արցախահայության իրավունքները, Հայաստանի իշխանություն՝ դու պետք է հետամուտ լինես, ոչ թե մեկ օր մի բան ասես, մեկ այլ օր՝ այլ, որովհետև զուգահեռ դու տեսնում ես Ադրբեջանի իշխանությունների ապակառուցողական, նվաճողական, ագրեսիվ քաղաքականությունը»։
Շարունակելով իր խոսքը բանախոսն ասաց. «Մենք գործ չունենք ադեկվատ, զարգացած պետության հետ, կամ զարգացած ու կոմպրոմիսի պատրաստ իշխանության հետ (խոսքը Ադրբեջանի մասին է), որտեղ կարելի է ինչ-որ բաներ պայմանավորվել, ի վերջո մի օր պետք է այս պատերազմն ու թշնամանքը վերանա, որ ասես մենք պատրաստ ենք կառուցողական լուծումներ գտնել, բայց երբ դու «բոբիկացել» ընկել ես առաջ՝ ի դեմս Նիկոլ Փաշինյանի, դրա համար էլ ադրբեջանական խանական մտածելակերպը՝ իբր հաղթել են իրենք, անդադար նոր պահանջներ է դնում»։

Գոհար Պողոսյան