Նիկոլն անկլավներն Ալիևին տալը պրոբլեմ չի համարում (video)
Մենք ասում ենք , որ պատրաստ ենք վերադարձնել գյուղերը, իսկ դուք պատրա՞ստ եք վերադարձնել Հայաստանի հողերը։ Եթե այո, ուրեմն հենց հիմա փոխանակենք։ Այս մասին Մոլդովայի հայ համայնքի հետ հանդիպման ժամանակ ասել է Հայաստանի վարչապետ Նիկոլ Փաշինյանը։
«Այնպես չէ, որ մենք անընդհատ երազում ենք ինչ-որ բան նվիրելու մասին: Մենք պատրաստ ենք տալ ու վերցնել։ Այսպիսով, մենք չենք նսեմացնում Հայաստանի շահերը։ Մենք առաջարկում ենք սահմանի ողջ երկայնքով ապառազմականացված գոտի մտցնել։ Մենք ցանկանում ենք վերացնել էսկալացիայի և ագրեսիվ քաղաքականության բոլոր հնարավոր պատճառները»,- նշել է նա։
Փաշինյանը պարզաբանել է, որ 29800 քառ. կմ-ն ընդգրկում է Արծվաշենը, ինչպես նաև Բերքաբեր, Պառվաքար, Այգեհովիտ, Վազաշեն գյուղերի տարածքները, որոնք 1990-ական թվականներից գտնվում են Բաքվի վերահսկողության տակ։
«Ըստ 1975 թվականի քարտեզների՝ 29800 քառ. կմ-ն ներառում է նաև Սոթք-Խոզնավար հատվածում գտնվող այն տարածքները, որոնք օկուպացվել են վերջին ժամանակներում (44-օրյա պատերազմից հետո- խմբ.) օկուպացիայի արդյունքում»,- հավելել է Փաշինյանը։
Նրա խոսքով՝ Ադրբեջանն իր հերթին ասում է, որ Հայաստանի վերահսկողության տակ են գտնվում իր հողերը։
«Ես նույն բանն ասում եմ թե՛ մասնավոր, թե՛ հրապարակային։ Սա առավելություն է տալիս»,- վստահեցրել է ՀՀ վարչապետը։
Հետևեք մեզ Viber-ում
