Հայ և ադրբեջանցի երիտասարդները պետք է դաստիարակվեն որպես հարևաններ. Ալահշուքյուր Փաշազադե
Հայաստանի և Ադրբեջանի երիտասարդները պետք է դաստիարակվեն ըմբռնումով, որ երկու ժողովուրդները լինելու են հարևաններ և ապրեն կողք կողքի: Ինչպես հաղորդում է «ՌԻԱ Նովոստի»-ն, Ամենայն Հայոց Կաթողիկոս Գարեգին Երկրորդի, Համայն Ռուսիո պատրիարք Կիրիլի հետ հանդիպման ժամանակ նման հայտարարությամբ է հանդես եկել Ադրբեջանի հոգևոր առաջնորդ, Կովկասի մահմեդականների վարչության ղեկավար, շեյխուլիսլամ Ալահշուքյուր Փաշազադեն: «Մենք չպետք է հանդիպենք հանդիպման համար: Ո՛չ Հայաստանը եւ ո՛չ էլ Ադրբեջանը չեն գնա այդ տարածքներից, այսինքն՝ նրանք պետք է ապրեն կողք կողքի և երիտասարդներին պետք է կրթել այդ ոգով», – ասել է Ալլահշուքյուր Փաշազադեն: Այնուհետև Հայաստանի, Ադրբեջանի եւ Ռուսաստանի հոգևոր առաջնորդները կոչ են արել ազատ արձակել որպես ռազմագերիներ պահվող քաղաքացիական անձանց, ինչպես նաև դիմել են կողմերին՝ կանխելու եկեղեցիների և մզկիթների հանդեպ վանդալիզմի դրսևորումները: «Որոշ գործողությունների հետևանքով տուժում են մարդիկ, այդ թվում նաև՝ անմեղ քաղաքացիներ, ովքեր գտնվում են երկու կողմերում գերության մեջ, ինչպես նաև այն մարդիկ, ովքեր ընդհանրապես չեն մասնակցել ռազմական գործողություններին և ներկայումս պահվում են որպես ռազմագերի: Մենք կոչ ենք անում ազատ արձակել քաղաքացիական անձանց», - ասել է Պատրիարք Կիրիլը:
Հետևեք մեզ Viber-ում
