Կոսմետիկ փոփոխությունների կողմնակից չենք․ Փոստանջյանը՝ «Ելքի» նախաձեռնության մասին

Այսօր Հայելի ակումբում Երեւանի ավագանու «Երկիր Ծիրանի» խմբակցության ղեկավար Զարուհի Փոստանջյանն անդրադառնալով՝ Ելք դաշինքի փողոցների անվանափոխությանը, նշեց, որ դա կոսմետիկ փոփոխություն է: «Միանշանակ կողմ եմ, որ մենք չպետք է ունենանք Լենինգրադյան փողոց, որովհետև Լենինը մեր ազգի համար չարիք է եղել, և այսօր էլ այդ չարիքի հետևանքները մենք զգում ենք մեր առօրյա կյանքում, սակայն մենք կողմնակիցը չենք ինչ-որ կոսմետիկ փոփոխությունների, եթե հանդես են գալիս մի քանի փողոցների անունները փոխելու, ապա ինչով եք փոխում: Այս հարցը շատ կարեւոր է»,- ասաց Փոստանջյանը: Այնուհետև հայտարարեց, որ պետք է ունենալ կենտրոնական փողոց հենց Լեոնիդ Ազգալդյանի անվամբ, որովհետև նա հենց մեր ազգային բանակի առաջին հայտ ներկայացնողն էր: Ինչպես ասաց՝ պետք է արմատական փոփոխություններ իրականացնել և հիմնահատակ քանդել «հայկական Բաստիլը»։