Ադրբեջանցիները կրակում են Սոթքի ուղղությամբ, Սոթքի հանքում կրճատումներ են սպասվում (video)
ԱԺ հանձնաժողովի նիստի ժամանակ «Հայաստան» խմբակցության պատգամավոր Թադևոս Ավետիսյանը հարց ուղղեց ՀՀ ՏԿԵ նախարարի տեղակալ Հովհաննես Հարությունյանին Սոթքի հանքի պարապուրդի խնդրին լուծում տալու համար, քանի որ բազմաթիվ մարդիկ այսօր ստիպված գտնվում են պարապուրդի մեջ:
Հարությունյանն ասաց, որ տնտեսվարողը նախատեսում էր բաց հանքում աշխատանքներն ավարտել անցած տարվա աշնան վերջին․ «Մեր բանակցությունների եւ մեր պնդմամբ դրանք շարունակվում էին, աշխատողների մեծ մասին պահելու են մինչեւ այս տարվա ամառը, որից հետո պետք է սկսեն կրճատումները։ Այսինքն, մոտ հինգ-վեց ամիս երկարաձգվել է ժամկետը, եւ այդ ընթացքում աշխատողները աշխատավարձ պետք է ստանան հարկադիր պարապուրդի չափով։ Եթե մեր միջամտությունը չլիներ՝ արդեն աշնանը կրճատումներ կլինեին, քանի, որ բաց հանքի աշխատանքներն այլեւս ավարտվել էին եւ «Գեոպրոմայնինգ գոլդ»-ը պետք է շարունակեր իր աշխատանքները փակ եղանակով»։
Հետևեք մեզ Viber-ում
