ՌԴ քաղաքացի Արսեն Ոսկանյանի ընտանիքը հերքում է Կոլումբիայում նրա մահվան մասին լուրը

Սեպտեմբերի 2-ին Reuters գործակալությունը հայտնել էր, որ ՌԴ քաղաքացի Արսեն Ոսկանյանը, ով 2016 թվականի նոյեմբերին Կոլումբիայում գերի էր ընկել Ազգային ազատագրական բանակի գրոհայիններին, սպանվել է։ Արսենի հարազատ եղբայրը՝ Արմեն Ոսկանյանը, rusarminfo-ի հետ զրույցում  նշել է, որ դա հնացած տեղեկություն է, որը ԶԼՄ-ները պարբերաբար հրապարակում են դա սենսացիայի համար: «Իմ եղբոր մահը պաշտոնապես հաստատված չէ։ Ոչ ոք մեզ մինչ օրս փաստեր չի ներկայացրել այն մասին, որ նա սպանված է։ Այդ հրամանատարը, որը հայտնել է Reuters-ին եղբորս մահվան մասին, նույնն ասել էր այն բանից հետո, երբ Արսենը փախել էր գերությունից։ Սակայն այնուհետև մեզ հայտնեցին, որ նա ողջ է, և որ նրան որոնելու համար երկինք են բարձրացվել Կոլումբիայի բանակի ուղղաթիռները»,-ասել է Արմեն Ոսկանյանը՝ հերքելով Reuters-ի տեղեկությունը: