Թիվ 57 մանկապարտեզի տնօրենը Տ. Մարգարյանի մորաքրոջ աղջիկն է. նա կրթություն սկսել է ստանալ պաշտոնի նշանակվելու տարում

«Երևանի քաղաքապետարանի ենթակայության տակ գործող թիվ 57 ման­կապարտեզ հիմնարկի ղեկավարի պաշտոնում դեռևս 2011 թվականին նշանակվել է Մարգարիտա Հովհաննիսյանը: Մինչ այդ 2010 թվականին, նա աշխատել է «Ավանի մանկապարտեզներ» ՀՈԱԿ-ի համար 54 մանկապարտեզ-հիմնարկում, որպես դաստիարակ: «Ավանի մանկապարտեզներ» ՀՈԱԿ-ի համար 57 մանկապարտեզ-հիմնարկի ղեկավար նշանակվելու տարում էլ ընդունվել է (Խ. Աբովյանի անվան մանկավարժական ինստիտու­տի «Նախադպրոցական մանկավարժություն և հոգեբանություն» ֆակուլ­տետը՝ ավարտելով ստացել մանկավարժի և հոգեբանի որակավորում: Այ­սինքն՝ բարձրագույն կրթություն է սկսել ստանալ նույն այն ժամանակա­հատվածում, երբ պաշտոնի է անցել: Մեզ հայտնի դարձավ նաև, որ Մար­գարիտա Հովհաննիսյանը Երևանի գործող քաղաքապետ Տարոն Մարգարյանի մորաքրոջ աղջիկն է: Նշանակման ժամանակահատվածում Տա­րոն Մարգարյանը Երևանի քաղաքապետի աոաջին տեղակալն էր: Երևա­նի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանից հետաքրքրվեցինք, թե արդյո՞ք Տարոն Մարգարյանի որոշումով է նա նշանակվել մանկապարտե­զի տնօրեն: «2006 թվականին ստեղծվել է «Ավանի մանկապարտեզներ» ՀՈԱԿ-ը, որի մեջ մտնում է Ավանի 7 մանկապարտեզ-հիմնարկ: ՀՈԱԿ-ի տնօրենն է Լուսինե Պողոսյանը»,- ասաց Արթուր Գևորգյանը: Հարցին ճի՞շտ է, որ Մարգարիտա Հովհաննիսյանը Տարոն Մարգարյանի բարեկամուհին է, վարչության պետը պատասխանեց, որ նման տեղեկու­թյուն իրեն հայտնի չէ Երևանի ավագանու ընտրությունների ժամանակ ՀՀԿ-ի նախընտրական քարոզչության համար բացված loveyerevan.am կայքի փոխանցմամբ էլ ՀՈԱԿ-ի տնօրեն Լուսինե Պողոսյանն այդ պաշտո­նին նշանակվել է 2011 թ., իսկ 2007-ից ՀՀԿ-ի շարքերրւմ է»,-գրում է թերթը:   Նյութն ամբողջությամբ կարդացեք թերթի այսօրվա համարում: