Վերջ․ Նիկոլը ճանաչում է Ադրբեջանի տարածքային ամբողջականությունն ու վերջնական հանձնում Արցախը (video)

Խաղաղության հասնել` նշանակում է կարգավորված հարաբերություններ ունենալ 4 հարևանների հետ։ ԱԺ–ում, ներկայացնելով կառավարության ծրագրի 2022-ի կատարողականը, հայտարարեց վարչապետ Նիկել Փաշինյանը` խոսելով խաղաղության օրակարգից։

Նրա խոսքով` քանի որ Վրաստանի ու Իրանի հետ հարաբերությունների ոչ թե կարգավորման, այլ խորացման խնդիր ունենք, ուրեմն` խաղաղություն նշանակում է կարգավորված հարաբերություններ Ադրբեջանի և Թուրքիայի հետ։

«Իսկ որքանո՞վ է դա իրատեսական, որքանո՞վ Ադրբեջանի գործողությունները կլինեն խաղաղությանը միտված։ Եվ եթե քաղաքական-դիվանագիտական մակարդակում կոմպրոմիսներ ձեռք բերվեն, որքանո՞վ դրանք ընդունելի կլինեն ՀՀ քաղաքացիների համար և քաղաքացիները որքանո՞վ թույլ կտան այդ կոմպրոմիսների` երբեմն ցավոտ լուծումների գործնական իրագործումը։ Սա մեր պատասխանատվությունն է: Մենք պետք է մեր մտքերի և գործողությունների ընթացքը հասկանալի դարձնենք ՀՀ քաղաքացիներին, իսկ երբ հասկանան, նրանք դա կընդունեն»,–ասաց Փաշինյանը։

Նրա խոսքով` խաղաղությունը հնարավոր է, եթե միջազգային հարաբերություններում հստակ ճանաչեն ՀՀ 29 800 քկմ տարածքը և հայտարարենք, որ մենք որևէ այլ երկրից տարածքային պահանջ չունենք։

Փաշինյանը հավելեց, որ 2022-ին հիփոթեքով եկամտահարկի ծրագրով 29 000-ից ավել մարդ է բնակարան ձեռք բերել։ Նրա խոսքով` սա նշանակում է, որ մարդիկ հավատացել են խաղաղության օրակարգին։