«Նաիրիտ» գործարանի հրդեհի ծուխը որքանով է վտանգավոր. ներկայացնում է նախարարը
ՀՀ կառավարության նիստից հետո լրագրողների հետ զրույցում առողջապահության նախարար Լեւոն Ալթունյանը հայտարարեց, որ բուժհաստատությունների օպտիմալացումը շարունակվում է, բայց ոչ մի բժիշկ առանց ոչ համարժեք աշխատավարձով առաջարկության չի մնում: Ըստ նախարարի այլ հարց է, թե նրանք համաձայն են, թե ոչ. «Ոմանք համաձայնում են, ոմանք՝ ոչ, բայց բոլորն էլ առաջարկություն ստանում են»: Անդրադառնալով «Նաիրիտ» գործարանի հրդեհին՝ ասաց, որ ծուխը վնասակար չի եղել մարդկանց առողջության համար, քանի որ լաքէթինոլի այրման ժամանակ առաջանում է շմոլ գազ և ջուր: «Եթե շմոլ գազը մարդ շնչի, կխեղդվի, բայց եթե դա արտանետվում է ատմոսֆերա, խառնվում է օդի հետ, վտանգավոր չէ»,- ասաց նախարարը՝ խորհուրդ տալով ուսումնասիրել նախարարության կայքում հրապարակված լաքէթինոլի ֆորմուլան և դրա այրման պրոցեսը:
Հետևեք մեզ Viber-ում
