«Ձեր ասածը քրեական հանցանք է». Լևոն Մկրտչյան

ՀՀ կրթության և գիտության նախարար Լևոն Մկրտչյանը այսօր լրագրողների հետ զրույցում հավատացրեց, որ, եթե դպրոցներում խախտումներ նկատեն, ապա կձեռնարկեն համապատասխան պատիժներ՝ ըստ օրենքի: Լրագրողներից մեկի հարցին, թե դպրոցների տնօրենների, ուսուցիչների աշխատանքի ընդունման համար ֆիքսված գումար է սահմանված, ինչպե՞ս է պատրաստվում այդ վատ պրակտիկայի դեմ պայքարել նախարարը, ասաց, որ նշվածը քրեորեն պատժելի է: «Ձեր ասածը քրեական հանցանք է, եթե ապացուցվում է՝ պետք է դատվի։ Եթե պաշտոնյան է նման հանցանք թույլ տալիս, ապա նա ևս պետք է քրեական պատասխանատվության ենթարկվի։ Լուծումը ես տեսնում եմ դպրոցների խորհուրդների և դպրոցների կառավարման համակարգի արմատական փոփոխության մեջ»,- նշեց նա՝ հավելելով, որ դրան հասնելու համար պետք է խորհուրդներն իսկապես լինեն անկախ և կարողանան իրենք տեր լինեն իրենց դպրոցին։ Հարցին, թե դպրոցների օպտիմալացման պատճառը որն է, նախարարը պարզաբանեց, որ Երևան քաղաքի դպրոցների միավորման պատճառը կողքի դպրոցների առկայությունն է»: