Երևանի ավագանու ընդդիմության միասնական ցուցակը

ԱԱԾ վերջին սոցիոլոգական հարցումները, որ դրվել են Նիկոլի սեղանին՝ վերջինիս համար շոկ են եղել։ «Փրկչի» ռեյտինգը սրընթաց գահավիժում է եւ Երեւանի քաղաքապետի ֆուտլյար Հրաչ Սարգսյանի հրաժարականը Նիկոլի եւ իր կուսակցության վարկանիշի խայտառակ անկման ծրագրի կոնտեքստում է։

Ադրբեջանը կրկին փոխել է խաղի կանոնները եւ խաղաղության պայմանագրի այն տարբերակը, որն առաջարկում է Ալիեւը, իսկ որպես ալտերնատիվ՝ սպառնում է նոր եւ առավել արյունալի պատերազմով, ինչպես հաստատեց հենց Նիկոլը՝ ենթադրում է Արցախի էթնիկ զտում եւ Հայաստանի տարածքների կորուստ, ինչն է՛լ ավելի կնվազեցնի Նիկոլի վարկանիշն ու մինչեւ սեպտեմբեր, քաղաքապետի ընտրություների հերթական ժամկետը, Նիկոլի եւ իր կուսակցության վարկանիշից կմնա ՔՊ-ի դռան շորը։ Իսկ հանձնել Երեւանն ընդդիմությանը, նշանակում է ստորագրել սեփական քաղաքական մահվան դատավճռի տակ։

Ուստի, ըստ մեր տեղեկությունների, Նիկոլը որոշել է գնալ Երեւանի ավագանու արտահերթ ընտրությունների։ Իհարկե, իրենք այս պահին հայտարարում են, թե ընտրությունները լինելու են աշնանը, սակայն Նիկոլն իր ցանկացած պաշտոնական հայտարարությունից երեք րոպե անց կարող է եւ մշտապես արել է դրան հակասող մեկ այլ հայտարարություն։
Ուստի, այս պահին ընդդիմության համար կա բացառիկ շանս՝ միավորվել, մի կողմ դնել սեփական ամբիցիաներն ու համակրանք- հակակրանքները եւ Երեւանի ավագանու ընտրություններին մասնակցել գործիչների այնպիսի ցուցակով, որոնց միասնական քարոզարշավը՝ միասնական ընդդիմության սատարումով՝ կբերի այս թրքահպատակ խունտայի քաղաքական վախճանին։Նիկոլը սա գիտի,ուստի արագացնում է պրոցեսները։

Մեր տեղեկություններով, որոշ քաղաքական -վերլուծական շրջանակներ կազմել են Երեւանի ավագանու ընտրություններին մասնակցելու քաղաքական եւ հանրային գործիչների ցուցակ, որոնց դեպքում թավշյա բանդայի ստերն ու մանիպուլյացիաները, այն էլ Երեւանում՝ սատկացնելը ընդամենը տեխնիկայի հարց է լինելու։ Ցուցակում գործիչներ են, ովքեր քաղաքական մահապարտներ են եւ այս միասնականությամբ Երեւանում հաղթելուց հետ նիկոլականության էպոխայի վախճանի մեկնարկը կարելի կլինի համարել մեկնարկած։
Ընդդիմության միակ շանսը Երեւանում մեկ միասնական ցուցակով մասնակցելն ու հաղթելն է, որը հնարավոր է, եթե անհասկանալի ամբիցիաներն ու միմյանց հանդեպ ունեցած էմոցիաները ստորադասվեն հայրենիքի փրկությանը։ Սա է միակ ճանապարհը։ Եթե Նիկոլը կրկին վերցրեց Երեւանը, ու կարեւոր չէ` Ավինյանով, թե «Սավինյանով», Հայաստանը թուրքին հանձնելու օպերացիան կարելի է համարել ավարտված։

Ի դեպ, ըստ լուրերի, Նիկոլը, իրեն բնորոշ մուտիլովշիկությամբ, առաջիկայում հայտարարելու է, որ Երեւանի ավագանու ընտրությունները տեղի կունենան արտահերթ եւ մայիսի վերջին։
Ընդդիմության ժամանակացույցը միացված է։

Ստորև՝ ցանկը․

1. Նաիրա Մելիքյան (44-օրյա պատերազմում զոհված Հայկ Մելիքյանի մայրը)
2. Հրանտ Բագրատյան (նախկին վարչապետ)
3. Անդրանիկ Թևանյան (Հայաստան դաշինք)
4. Արմեն Աշոտյան (ՀՀԿ)
5. Արթուր Վանեցյան (Հայրենիք կուսակցություն)
6. Գերասիմ Վարդանյան (ՀՅԴ)
7. Նաիրա Զոհրաբյան (քաղաքական գործիչ)
8. Գևորգ Պետրոսյան (փաստաբան, քաղաքական գործիչ)
9. Էդգար Ղազարյան (հասարակական գործիչ)
10. Գրիգորի Խաչատուրով (գեներալ-մայոր)
11. Խաչիկ Մանուկյան (44-օրյա պատերազմում զոհված Վաչագան Մանուկյանի հայրը)
12. Մենուա Սողոմոնյան (Համախմբում շարժում)
13. Դավիթ Սահակյանց (ռեժիսոր)
14. Սոնա Աղեկյան (Երևանի ավագանու նախկին անդամ)
15. Հովհաննես Գալստյան (ռեժիսոր)
16. Վոլոդյա Հովհաննիսյան (պահեստազորի գնդապետ)
17. Գագիկ Համբարյան (քաղաքագետ)
18. Արթուր Համբարձումյան (ՇՊՀ դասախոս)
19. Արմինե Ադիբեկյան (Ադրբեջանի հարցերով փորձագետ)
20. Էդգար Էլբակյան (քաղաքագետ)

21.Ստեփան Հասան- Ջալալյան (քաղաքագետ)

22.Հռիփսիմե Առաքելյան ( Երևանի ավագանու նախկին անդամ)

Բաժանորդագրվե՛ք մեր Տելեգրամ ալիքին. https://t.me/HAYELI_am