Ադրբեջանում հայտնում են ահաբեկչի վնասազերծման մասին. razm.info

Razm.info-ն գրում է. Այսօր՝ օգոստոսի 28-ին, Ադրբեջանի պետական անվտանգության ծառայությունը հայտնել է, որ ՊԱԾ աշխատակիցները օգոստոսի 27-ին սպանել են այդ երկրի քաղաքացի Ջավադով Յաշար Օգթայ օղլուին (Cavadov Yaşar Oktay oğlu), ով նախապատրաստվում էր ահաբեկչական գործողություններ իրականացնել: Հաղորդագրությունը հրապարակվել է Ադրբեջանի ՊԱԾ կայքում: Համաձայն հաղորդագրության՝ նշված անձը ձեռք էր բերել հրազեն և պայթուցիկ նյութեր, որոնց միջոցով նախատեսում էր հարձակվել Ադրբեջանի պետական հաստատությունների վրա և ահաբեկչություն իրականացնել: Նշվում է, որ Ջավադով Օգթայը նախկինում մասնակցել է Ադրբեջանի տարածքից դուրս զինված հակամարտությունների, իրականացրել ահաբեկչական գործողություններ: Ըստ նույն տեղեկության՝ Ջավադովը Ադրբեջանում նախապատրաստվող ահաբեկչության համար ևս ֆինասնավորվել է նույն արտասահմանյան ահաբեկչական կառույցի կողմից: Օգոստոսի 27-ին Ադրբեջանի ՊԱԾ աշխատակիցները նրան ձերբակալելու ուղղությամբ գործողություն են իրականացրել Իսմայիլլի քաղաքի տարածքում: Համաձայն հաղորդագրության՝ Ջավադովը կրակել է ՊԱԾ աշխատակիցների ուղղությամբ, պատասխան կրակից նա սպանվել է: Կատարվում է քննություն, հավելյալ մանրամասներ չեն տրամադրվում: Ամբողջությամբ՝ սկզբնաղբյուր կայքում։