Գնացին Բաքու, հետ կգա՞ն, թե՝ չէ. Նիկոլ Փաշինյանը՝ Արայիկ Հարությունյանի մասին (video)
Քանի դեռ պայմանավորված չէ ամեն ինչ, պայմանավորված չէ ոչինչ սկզբունքը գործում է, որովհետեւ մեծ հաշվով այնպես չէ, որ մենք ստորագրելու ենք պարբերություն առ պարբերություն: Այս մասին իր մամուլի ասուլիսի ժամանակ նշեց ՀՀ վարչապետ Նիկոլ Փաշինյանը:
«Պետք է ամեն ինչ սկզբից մինչեւ վերջ համաձայնեցնենք, նոր ստորագրենք: Դրա համար ես ասում եմ, որ կան քայլեր, կա որոշակի առաջընթաց եւ մենք շարունակելու ենք այդ աշխատանքը հնարավոր դրական եզրակացության հասնելու համար: Այս պահին դետալների մեջ մտնելը չճիշտ չեմ համարում, որովհետեւ մեկ ուրիշ նախադասությամբ այդ դետալի իմաստն այնպես փոխվել, որ իմ այսօրվա հնարավոր ասածը մնա օդում»,-ասաց նա:
Հարցին, թե Երեւանը կո՞ղմ է, որ Ստեփանակերտը գնա Բաքու քննարկման եւ արդյոք Ադրբեջանի հետ ինտեգրման թեմայի քննարկումը զիջում եք համարում, Փաշինյան պատասխանեց. «Ես ասացի, որ իրավունքների ու անվտանգության հարցերը մեկ ամսվա ընթացքում դարձան ինտեգրացիայի մասին խոսույթ: Մեր խնդիրը այն է, որ պետք է տեղի ունենա քննարկում, եւ դինամիկան ավելի համոզիչ է դարձնում, որ պետք է միջազգային մեխանիզմի հարց կա:
Այդտեղ էլ երաշխիքի խնդիր կա, որ գնացին Բաքու, հետ կգա՞ն, թե՞ չէ: Այդ հարցի պատասխանն ո՞վ է տալու: Դա քմահաճույք չի: Խոսացողը պետք է լինեն ԼՂ ներկայացուցիչները:
Երբ Հայաստանը այդ թեմայով խոսող առաջնային սուբյեկտն է, անընդհատ ԼՂ-ից խեթ հայացքներ, կասկածներ կան, թե ինչ դավադրություններ կան: Դա նաեւ իրենց կարիքների բավարարման, ձեւակերպումների, սկզբունքների հետապնդման հնարավորություն ստանալ է: Դա ճիշտ ճանապարհ է, այլ բան, որ դա պետք է լինի էֆեկտիվ խոսակցություն»:
Հետևեք մեզ Viber-ում
