Հայաստանի և Ադրբեջանի հոգևոր առաջնորդները չեն կարող ազդեցություն ունենալ ԼՂ հակամարտության կարգավորման գործընթացի վրա. քաղաքագետ
Քաղաքագետ Ալեքսանդր Իսկանդարյանը մեկնաբանել է Հայաստանում ԱՄՆ դեսպան Ռիչարդ Միլսի հայտարարությունը, թե ԱՄՆ-ն ցանկանում է վստահ լինել, որ Հայաստանը կարող է ինքնիշխան որոշումներ կայացնել: «Օրինակ, նույն Ամերիկայի Միացյալ Նահանգները շատ հարցերում ստիպված է հաշվի առնել Սաուդյան Արաբիայի և՛ շահերը, և՛ հետաքրքրությունները: Չկա մի երկիր, որը հաշվի չառնի իր գործընկեր, դաշնակից երկրների շահերն ու հետաքրքրությունները և այլ երկրներից կախված չլինի»,- նշեց Իսկանդարյանը: Ինչպես ասաց՝ Լեռնային Ղարաբաղի հակամարտությունը քաղաքական հարց է, ուստի դժվար թե Հայաստանի և Ադրբեջանի հոգևոր առաջնորդները կարողանան լուրջ ազդեցություն ունենալ հակամարտության կարգավորման վրա: «Չեմ կարծում, որ այդ հանդիպումը կարող է ինչ-որ ազդեցություն ունենալ Լեռնային Ղարաբաղի հակամարտության կարգավորման գործընթացի վրա: Դա քաղաքական հարց է, և ես չեմ կարծում, որ հոգևոր առաջնորդները կարող են փոփոխություններ մտցնել գործընթացում»,- ասաց Իսկանդարյանը՝ Օգոստոսաի 28-ին լրագրողների հետ հանդիպմանը նման կարծիք հայտնեց քաղաքագետ Ալեքսանդր Իսկանդարյանը` մեկնաբանելով տեղեկատվությունը, որ Գարեգին Բ Ծայրագույն Պատրիարք և Ամենայն Հայոց Կաթողիկոսը և Կովկասի մահմեդականների վարչության նախագահ, Շեյխ ուլ իսլամ Ալլահշուքյուր Փաշազադեն սեպտեմբերին կայանալիք հանդիպմանը քննարկելու են ղարաբաղյան հակամարտությանն ու տարածաշրջանային խաղաղությանն առնչվող հարցեր:
Հետևեք մեզ Viber-ում
