Որոշումներ ընդունելու է ոչ թե մի ինչ-որ Զելենսկի...
Ռուսաստանի Անվտանգության խորհրդի փոխնախագահ Դմիտրի Մեդվեդեւի կարծիքով՝ Կիեւի վարչակարգի դեմ հաղթանակից հետո լինելու են «ծանր եւ նյարդային բանակցություններ»։ Այս մասին Մեդվեդեւը գրել է իր Telegram-ալիքում։
«Որոշումներ, իհարկե, ընդունելու է ոչ թե մի ինչ-որ Զելենսկի։ Որոշումներն օվկիանոսի այն կողմում կընդունեն նրանք, որոնց ձեռքերում են Կիեւ զենքի մատակարարումներն ու փողերի հատկացումը ուկրաինական տնտեսության մնացորդները պահպանելու համար»,- նշել է նա։
Մեդվեդեւը հայտարարել է, որ Արեւմուտքը շահագրգռված չէ հակամարտության դադարեցմամբ, բայց, վաղ թե ուշ, արեւմտյան երկրների ղեկավարները ստիպված կլինեն անել դա: