«Ի՞նչ անենք, Հայկ Նահապետի անունն էլ Արմե՞ն դնենք». Լևոն Մկրտչյան

Կառավարության նիստից հետո ՀՀ կրթության և գիտության նախարար Լևոն Մկրտչյանն անդրադարձավ ՀՀ նախկին վարչապետ Հրանտ Բագրատյանի հայտարարությանը՝ «ժամանակը չէ՞ մեր երկիրն Արմենիա անվանելու»: «Կոչ եմ անում մեզ վրա վստահ լինել և ամեն խնդիր չդարձնել հրապարակային:  6 հազար տարի մեր ժողովուրդն իրեն հայ է անվանել, 8-10 հազար տարի էլ պետք է հայ անվանի, ի՞նչ անենք, Հայկ Նահապետի անունն էլ Արմե՞ն դնենք:  Ի՞նչ ենք քննարկում»,- ասաց Մկրտչյանը: Բառարանների վերաբերյալ՝ նախարարը խոստացավ ուշադիր հետևել Բագրատյանի յուրաքանչյուր խոսքին, որպեսզի կարողանա դրանք մեկնաբանել, և հավելեց. «Արդյո՞ք մենք բառարանների պակաս ունենք»։