Ռուսը նպաստե՞լ է հայերի կոտորածին

«88 թվականի հունիսի  կամ հուլիսի 4-ից  ես համարել եմ, որ սովետմիությունը ինձ հարազատ չէ»,-երեկ հրավիրված ասուլիսի ժամանակ հայտարարեց առաջին հետախուզադիվերսիոն ջոկատի հրամանատար Վովա Վարդանովը: «Դա այն ժամանակ էր, երբ ռուսը մեր վրա գուրզ բարձրացրեց: Էլ չեմ ասում՝ կրակոցները, տրաքացնել, սպանելը, պատանդ վերցնելը ու հայաթափելը: Այդ  է ամեննն  ինչն անում էր  փետրվարի 23-ը  նշող սովետական բանակը»,-նկատեց Վարդանովը`նշելով, որ ծառայել է սովետական միության բանակում և ստացել է ռուսական կրթություն: «Բայց այս ամենով հանդերձ  ես ռուսի նկատմամբ զգուշավոր եմ ու դա իրենց հակահայկական դիրքորոշման հետ է կապված: Փետրվարի 23-ը ինձ համար տոն չէ ու զուտ այն պատճառով, որ այդ տոնը ստեղծած պետությունը մեր ազգի թշնամին է դարձել»,-ընդգծեց հետախույզը: Վովա Վարդանովը փաստում է, որ ռուսները Հայաստանը դիտել են, որպես սովետական իշխանության փլուզող, իսկ Ադրբեջանին համարել են իրենց շահերը պաշտպանող երկիր: Ասուլիսի մյուս բանախոսը՝ աշուղ  Ռազմար Սասունցին էլ նկատեց.« Ղարաբաղում հայերի վրա հարձակումները չորքոտանի Գարբաչովի պատճառով եղան: Ռուս ազգը մեղավոր չէ: Ռուս ազգը հայերի կոտորմանը չի նպաստել: Ամբողջ երկիրը Գարբաչովը կործանեց, իսկ ռուսները միշտ մտածել են, որ հայերը իրենց եղբայրներն են»: Ղարաբաղյան պատերազմի վետերանների միության նախագահ Յուրի Միքայելյանն էլ նկատեց, որ իր համար այս տոնը սիրելի է , քանի որ ավանդաբար այդ օրը տղամարդիկ միշտ նվերներ են ստացել: Նշենք, որ փետրվարի 23-ը նշվում է, որպես հայրենիքի պաշտպանի օր: Աստղիկ Ավագյան