Անհրաժեշտ է, որ Հայաստանն ու Ադրբեջանը լարվածությունը թուլացնելու ուղի գտնեն. Պետդեպ

Հայաստանը և Ադրբեջանը պետք է թուլացնեն լարվածությունը: Ճեպազրույցի ժամանակ նման հայտարարություն է արել ԱՄՆ պետքարտուղարության պաշտոնական ներկայացուցիչ Նեդ Փրայսը:

«Թե՛ Հայաստանին, թե՛ Ադրբեջանին, ինչպես նաև ամբողջ տարածաշրջանին ուղղված մեր կոչն այն է, որ անհրաժեշտ է լարվածությունը թուլացնելու ուղի գտնել, նորից կանգնել համապարփակ և կայուն խաղաղության ուղու վրա»,- ասել է Նեդ Փրայսը:

Նա ասել է, որ կշարունակեն անել ամեն ինչ, որ ուղղակիորեն կողմերի հետ, ինչպես նաև հաստատությունների և խմբերի հետ բազմակողմ ձևաչափի միջոցով, օգնեն այդ գործն առաջ մղեն: