«Հայկական մաֆիայի» ներկայացուցիչը դատապարտվեց 8 տարվա ազատազրկման

Գլենդելի 37-ամյա բնակիչ Արտաշես Դարբինյանը դատապարտվել է ութ տարվա ազատազրկման՝ հանցավոր սխեմային մասնակից լինելու համար, որի հետեւանքով հափշտակվել էր 1,66 մլն դոլար, գրում է news.am-ը։ Դատավորը նաեւ վճռել է, որ ազատվելուց հետո եւս երեք տարի Դարբինյանը գտնվելու է իշխանությունների հսկողության ներքո, եւ 1,6 մլն դոլար տուգանք է վճարելու, հաղորդում է «Los Angeles Daily News»-ը։Դատախազությունը նրա համար պահանջում էր 15 տարվա ազատազրկում, սակայն փաստաբան Լորա Երիցյանը պնդել էր ավելի կարճ պատժաչափի վրա՝ հիմնավորելով, որ Դարբինյանը տառապել է ալկոհոլային եւ թմրակախվածությունից երկար տարիներ։ Վճիռը հրապարակելուց հետո փաստաբանն ասել է, թե իրենք ուրախ են մեղմ պատժաչափի համար։Անցած տարվա դեկտեմբերին Դարբինյանը խոստովանել էր իր մեղքը։ Նա զբաղվում էր էլեկտրոնային փոստի միջոցով գումար կորզելով։ 385 դոլարի դիմաց հանցախմբի անդամները ապրանքանիշերի տերերին առաջարկում էին իրենց օգնությունը, սակայն որեւէ ծառայություն չի մատուցվել։ Դարբինյանը կեղծ բանկային հաշիվներ է օգտագործել տվյալները տարածելու համար, իսկ Գլենդելի մեկ այլ բնակիչ՝ Օրբել Հակոբյանը օգնել է գումարների լվացման հարցում։Գործով ձերբակալված է նաեւ 36-ամյա Ալբերտ Յակուբյանը։ Դատարանին ուղղված նամակում Դարբինյանը ներողություն է խնդրել իր կատարած արարք համար։