Ողբերգական դեպք. 2 անչափահաս երեխաների հայրը մեքենան վարելիս՝ կորցրել է ինքնազգացողությունը և բախվել բետոբնե սյանը

«Shamshyan.com»-ը գրում է. Այսօր՝ օգոստոսի 21-ին, արտակարգ դեպք է տեղի ունեցել Երևանում: Ժամը 17:15-ի սահմաններում Երևանի բնակչ, 47-ամյա Խաչիկ Ալիզյանը Աթոյան և Այվազովսկի փողոցների խաչմերուկում իր վարած «Hyundai» մակնիշի 70 CC 505 համարանիշի ավտոմեքենայով բախվել է բետոնե էլեկտրասյանը: Ինչպես դեպքի վայրից հայտնում է ֆտոոլրագրող Գագիկ Շամշյանը, օպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության թիվ 3-րդ հրշեջ-փրկարարական ջոկատը՝ ջոկատի ավագ Արմեն Դեղոյանի գլխավորությամբ: Օպերատիվորեն ժամանել են նաև Երևանի 1-03 շտապօգնության հերթապահ խումբը: Փրկարարները քաղաքացիների օգնությամբ վարորդին դուրս են բերել ավտոմեքենայից և տեղում բժիշկները առաջին բուժօգնությունը ցուցաբերելուց հետո նրան տեղափոխել են Էրեբունի բժշկական կենտրոն, որտեղ գիտակցության չգալով՝ մահացել է: Դեպքի վայր են ժամանել Ճանապարհային Ոստիկանության 1-ին սպայական գումարտակի 3-րդ դասակի տեսուչներ Մերուժան Հեքիմյանն ու Ռոբերտ Գրիգորյանը: Դեպքի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է Ոստիկանության Էրեբունու բաժին, որտեղից ժամանել է Պարեկապահակային ծառայության գնդի 1-ին վաշտի ծառայողները: Ֆոտոլրագրողի տեղեկություններով՝ վթարի պատճառը եղել է այն, որ մեքենան վարելիս վարորդը, ով սրտի հետ կապված դնդիրներ է ունեցել, վատացել է, ինչն էլ դարձել է վթարի պատճառ: Դեպքի վայր են ժամանել նաև Հայաստանի քննչական կոմիտեի Երևան քաղաքի քննչական կոմիտեի քննիչները՝ վարչության պետի տեղակալ Արտաշես Վանյանի և հատկապես կարևոր գործերով ավագ քննիչ Մանվել Մուրադյանի գլխավորությամբ, ում կողմից փաստի առթիվ նյութեր են նախապատրաստվում: Դեպքի վայր ժամանած վարորդի բարեկամներն ասում էին, որ նա վերջերս էր վիրահատել սիրտը, ամուսնացած էր, խնամքին ուներ 2 անչափահաս երեխա