Քրեական աշխարհում որպես «օրենքով գող» հայտնի Արտյոմ Ղազարյանը կալանավորվեց

Գյումրու բնակիչ, քրեական աշխարհում «օրենքով գող» համարվող 35-ամյա Արտյոմ Ղազարյանին մեղադրանք է առաջադրվել և կալանավորվել է: Արտյոմ Ղազարյանին մեղադրանք է առաջադրվել ՀՀ քրեական օրենսգրքի 34-104-րդ հոդվածի 2-րդ մասի 6-րդ և 7-րդ կետերով, ինչպես նաև՝ 235-րդ հոդվածի 1-ին մասով: Նրան կալանավորելու վերաբերյալ դատարան միջնորդություն էր ներկայացրել նախաքննական մարմինը, որը դատարանը բավարարել էր: Նշենք, որ Ղազարյանը սպանության փորձի մեղադրանքով հետախուզման մեջ էր գտնվում հուլիսի 2-ից, և նրան հայտնաբերել են Երևանում՝ օգոստոսի 18-ին: Հիշեցնենք, որ հունիսի 25-ին Գյումրիում կրակոցներ էին հնչել, և նույն օրը ուշ երեկոյան որովայնի շրջանում հրազենային վնասվածքով Գյումրու բժշկական կենտրոն էր տեղափոխվել 1987 թվականի ծնված Գեորգի Հակոբյանը: Հարուցվել էր քրեական գործ: