Բախվել են Սաշիկ Սարգսյանն ու Մանվել Գրիգորյանը. Armtimes.com

Armtimes.com-ին լուրեր են հասել այն մասին, որ բոլորովին վերջերս Արարատի նախկին մարզպետ Էդիկ Բարսեղյանին պատկանող «Ռենեսանս» ռեստորանում տեղի ունեցած մի խնջույքի ժամանակ վիճաբանություն է սկսվել Սերժ Սարգսյանի եղբոր՝ Ալեքսանդր Սարգսյանի եւ ԱԺ պատգամավոր, ԵԿՄ վարչության նախագահ Մանվել Գրիգորյանի միջեւ: Վիճաբանությունը վերաճել է քաշքշուկի, որին մասնակցել են նաեւ երկու կողմերի թիկնապահները:ՀՀ ոստիկանության հասարակայնության հետ կապերի եւ լրատվության վարչությունից մեր հարցին ի պատասխան ասացին, որ նման բովանադակությամբ հաղորդում-ահազանգ ոստիկանությունը չի ստացել:«Ռենեսանս» ռեստորանի տնօրենը, ում ներկայացրեցին պարզապես Ասատուր, armtimes.com-ի հետ զրույցում ասաց, որ նման միջադեպ իրենց մոտ տեղի չի ունեցել: «Բացարձակապես, զարմանում եմ, էդ մարդկանցից (ինֆորմացիա տարածողներից, խմբ. հեղ) պետք է պատիվ պահանջել, նման բան չի եղել, բացարձակ չի եղել, ճիշտ չեն ասում»,- ասաց «Ռենեսանս»-ի տնօրենը: Հարցին, թե Մանվել Գրիգորյանը եւ Ալեքսանդր Սարգսյանը վերջին մեկ ամսում չեն էլ եղե՞լ «Ռենեսանս»-ում, տնօրենը կրկին բացասական պատասխան տվեց: